പേരാമ്പ്ര: വടകര ലോക്‌സഭാ മണ്ഡലം എല്‍.ഡി.എഫ് സ്ഥാനാര്‍ത്ഥി കെ.കെ.ശൈലജയുടെ പേരാമ്പ്ര നിയോജക മണ്ഡലത്തിലെ പൊതുപര്യടത്തിന് തുടക്കമായി. രാവിലെ 8മണിക്ക് മുതുകാട് അങ്ങാടിയില്‍ നിന്നും ആരംഭിച്ച പര്യടനം 9മണിയോടെ ചക്കിട്ടപ്പാറ, പന്തിരിക്കര ഭാഗങ്ങളില്‍ എത്തിച്ചേര്‍ന്നു. അവിടെ സ്ത്രീകളും പ്രായമായവരും കുട്ടികളുമടക്കം നൂറുകണക്കിന് പേരാണ് ശൈലജയെ വരവേറ്റത്.

10മണിയോടെ പാലേരി, കടിയങ്ങാട്, പൈതോത്ത്, പൂറ്റംപൊയില്‍ എന്നിവിടങ്ങളിലെത്തി ശൈലജ ജനങ്ങളെ കണ്ട് വോട്ടഭ്യര്‍ത്ഥിച്ചു. രാത്രി 8മണിയോടെ കുഞ്ഞുംകരമുക്കിലാണ് പേരാമ്പ്ര നിയോജക മണ്ഡലത്തിലെ പൊതു പര്യടനം അവസാനിക്കുക.