കുട്ടികളുടെ ആരോഗ്യത്തെ കുറിച്ച് ആശങ്കവേണ്ട; വടകര ഗവ. ആയുർവേദ ആശുപത്രിയിൽ ഇനി കുട്ടികളുടെ ചികിത്സാ വിഭാഗവും
വടകര: ഗവ. ആയുർവേദ ആശുപത്രിയിൽ കുട്ടികളുടെ ചികിത്സാ വിഭാഗം തുടങ്ങി. കുട്ടികളിലുണ്ടാവുന്ന പനി, ജലദോഷം, ശ്വാസതടസ്സം, വിവിധതരം ത്വക് രോഗങ്ങൾ, കൃമിശല്യം, ദഹന സംബന്ധമായ പ്രശ്നങ്ങൾ, പഠന വൈകല്യങ്ങൾ, സെറിബ്രൽ പാൾസി, അപസ്മാരം, നവജാത ശിശു പരിപാലനം തുടങ്ങിയ സേവനങ്ങൾ ലഭിക്കും.
കുട്ടികളുടെ രോഗ പ്രതിരോധ ശേഷി, ഓർമ്മ ശക്തി എന്നിവ വർദ്ധിപ്പിക്കുന്നതിനും ശാരിരികവും മാനസികവുമായ ബുദ്ധിവികാസത്തിനും ആയുർവേദം പ്രതിപാദിക്കുന്ന വിശിഷ്ട ചികിത്സകളും ഇവിടെ ലഭ്യമാണ്. എല്ലാ ദിവസവും രാവിലെ ഒമ്പതുമുതൽ പകൽ രണ്ടുവരെയാണ് ക്ലിനിക് പ്രവർത്തിക്കുക.