മുഴുവൻ വിദ്യാർത്ഥികളും ഉന്നത പഠനത്തിന്; ചോറോട് ജി.എച്ച്.എസ്.എസ് സ്കൂളിലെ 123 കുട്ടികളില് 27 പേർക്കും ഫുൾ എ പ്ലസ്
വടകര: എസ്എസ്എൽസി പരീക്ഷയിൽ തുടർച്ചയായ വർഷങ്ങളിൽ നൂറ് ശതമാനം വിജയം കെെവരിച്ച് ഗവ. ഹയർ സെക്കന്ററി സ്കൂൾ ചോറോട്. പരീക്ഷ എഴുതിയ 123 വിദ്യാർത്ഥികളും ഉന്നത പഠനത്തിന് യോഗ്യത നേടിയതോടെ ഇത്തവണയും സ്കൂളിന് നൂറ് ശതമാനം വിജയം കെെവരിക്കാൻ സാധിച്ചു.
തുടർച്ചയായ പതിനൊന്നാം തവണയാണ് സ്കുൾ നൂറ് ശതമാനം വിജയം കെെവരിക്കുന്നത്. 27 വിദ്യാർത്ഥികൾ മുഴുവൻ വിഷയങ്ങളിലും എ പ്ലസ് കരസ്ഥമാക്കിയത് നൂറുമേനി വിജയത്തിനൊപ്പം തിളക്കമാര്ന്ന നേട്ടവുമായി സ്കൂളിന്.
എസ്എസ്എൽസി പരീക്ഷാ ഫലം വന്നപ്പോൾ വടകര വിദ്യാഭ്യാസ ജില്ലയിൽ നിന്ന് ഉന്നത പഠനത്തിന് യോഗ്യത നേടിയത് 16049 പേർ. ഇവരിൽ 8002 ആൺകുട്ടികളും 8047 പെൺകുട്ടികളും ഉൾപ്പെടുന്നു. 99.95 ആണ് വിജയ ശതമാനം. 16057 പേരാണ് പരീക്ഷ എഴുതിയത്. വടകര മേഖലയിലെ നിരവധി വിദ്യാലങ്ങൾ പരീക്ഷ എഴുതിയ മുഴുവൻ വിദ്യാർത്ഥികളെയും ഉന്നത പഠനത്തിന് യോഗ്യരാക്കി നൂറുമേനി വിജയം കെെവരിച്ചു.