വർഗീയ ഭീഗരതയ്ക്കെതിരെ വടകരയിൽ സെർക്കുലർ സംഗമം സംഘടിപ്പിക്കുന്നു
വടകര: വർഗീയ ഭീഗരതയ്ക്കെതിരെ, രാജ്യത്തിന്റെ മതനിരപേക്ഷ ഫെഡറൽ ജനാധിപത്യ മൂല്യങ്ങൾ സംരക്ഷിക്കണമെന്നാവശ്യപ്പെട്ട് വടകരയിൽ സെർക്കുലർ സംഗമം സംഘടിപ്പിക്കുന്നു. സാഹിത്യകാരൻ എം മുകുന്ദൻ ഉദ്ഘാടനം ചെയ്യും. ഇന്ന് വെെകീട്ട് വടകര പുതിയ ബസ്റ്റാന്റ് പരിസരത്ത് ഒരുക്കുന്ന ഭഗത്സിംഗ് നഗറിൽ വെെകീട്ട് അഞ്ച് മണിക്കാണ് പരിപാടി.
മതനിരപേക്ഷ ജനാധിപത്യ നിലപാടുകളെ സംരക്ഷിക്കാൻ ഇടതുപക്ഷ രാഷ്ട്രീയത്തിന് കരുത്തുപകരണമെന്ന് അഭ്യർത്ഥിച്ചാണ് സംഗമം സംഘടിപ്പിക്കുന്നത്. കെ പി രാമനുണ്ണി, ഡോ. ഖദീജ മുംതാസ്, പി കെ പാറക്കടവ്, ഇന്ദുമേനോൻ, കെ അജിത, വി ടി മുരളി, പ്രോഫ കെ പാപ്പുക്കുട്ടി തുടങ്ങിയ നൂറോളം എഴുത്തുകാരും സാഹിത്യകാരന്മാരും പങ്കെടുക്കും. സോളോ നാടകങ്ങൾ, കവിതാലാപനം, ഗാനാലാപനം തുടങ്ങിയ കലാപരിപാടികളും അരങ്ങേറും.