പുരോഗമന കലാസസാഹിത്യ സംഘം; നരിപ്പറ്റയില്‍ വീട്ടുമുറ്റ കൂട്ടായ്മയും അനുമോദന സദസ്സും ഒരുക്കി
നരിപ്പറ്റ: പുരോഗമന കലാസസാഹിത്യ സംഘം നരിപ്പറ്റ യൂണിറ്റിന്റെ ആഭിമുഖ്യത്തില്‍ വീട്ടുമുറ്റ കൂട്ടായ്മയും അനുമോദന സദസ്സും സംഘടിപ്പിച്ചു. കെ.പി സുരേഷ് മാസ്റ്ററുടെ വീട്ടില്‍ സംഘടിപ്പിച്ച വീട്ടുമുറ്റ കൂട്ടായ്മ പു.ക.സയുടെ ജില്ലാ വൈസ് പ്രസിഡന്റ് പി വത്സന്‍ മാസ്റ്റര്‍ ഉദ്ഘാടനം ചെയ്തു. സത്യന്‍ നരിപ്പറ്റ അധ്യക്ഷത വഹിച്ചു.
ചടങ്ങില്‍ പാഴ് വസ്തുക്കള്‍ കൊണ്ട് ശില്പങ്ങള്‍ നിര്‍മിക്കുന്ന എട്ടാം ക്ലാസ് വിദ്യാര്‍ത്ഥിയായ നിവേദ് ശങ്കറിനെ അനുമോദിക്കുകയും ഉപഹാരം നല്‍കുകയും ചെയ്തു.
യോഗത്തില്‍ കുന്നുമ്മല്‍ മേഖലാ സെക്രട്ടറി പി.പി സജിത്ത് കൂമാര്‍ സംസാരിച്ചു. ബി.കെ ബീന, എ.കെ രാജീവന്‍, ടി.പി പവിത്രന്‍, കെ.പി പുരുഷു മാസ്റ്റര്‍ എന്നിവര്‍ ആശംസയര്‍പ്പിച്ചു.
കെ.പി സുരേഷ് മാസ്റ്റര്‍ സ്വാഗതവും നരിപ്പറ്റ യൂണിറ്റ് സെക്രട്ടറി ഷാജി കെ.പി നന്ദിയും പറഞ്ഞു. തുടര്‍ന്ന് വിവിധ കലാ പരിപാടികളും അരങ്ങേറി.