പയ്യോളി: തച്ചംകുന്നിൽ വെച്ച് ബസും ബെെക്കും കൂട്ടിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. കീഴരിയൂർ സ്വദേശി കേളോത്ത് മീത്തൽ ഷെെജിത്ത് (44) ആണ് മരിച്ചത്. കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം.

ഞായറാഴ്ച ഉച്ചയ്ക്ക് പയ്യോളിക്കടുത്ത് തച്ചൻകുന്നിൽ വച്ചാണ് ബെെക്കും ബസും കൂട്ടിയിടിച്ച് അപകടം നടന്നത്. പയ്യോളിയിൽ നിന്ന് പേരാമ്പ്ര ഭാഗത്തേക്ക് പോവുകയായിരുന്നു ബസ്  ഷെെജിത്ത് സഞ്ചരിച്ച ബൈക്കിൽ ഇടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ഷെെജിത്ത് മെഡിക്കൽ കേളേജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണപ്പെട്ടത്.

പരേതനായ നാരായണന്റെയും നാരായണിയുടെയും മകനാണ്. ഭാര്യ അശ്വതി. സഹോദരി ജിഷ പ്രകാശൻ. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.