ഇന്ത്യൻ ആർമിയിൽ നിങ്ങൾക്കിതാ അവസരം. വിവിധ തസ്തികളിലേക്ക് അപേക്ഷ ക്ഷണിച്ചു. നാഷണൽ കേഡറ്റ് കോർപ്സിൻ്റെ സ്പെഷ്യൽ എൻട്രി സ്ക്രീമിന് കീഴിലുള്ള 56 തസ്തികകളിലേക്കാണ് അപേക്ഷ ക്ഷണിച്ചത്. യോഗ്യതയും താല്‍പ്പര്യവും ഉള്ള അവിവാഹിതരായ പുരുഷൻമാർക്കും സ്ത്രീകൾക്കുമാണ് അവസരം. ഉദ്യോഗാര്‍ത്ഥികള്‍ക്ക് ‘ വെബ്‌സൈറ്റ് സന്ദര്‍ശിച്ച്‌ ഫെബ്രുവരി ആറ് വരെ അപേക്ഷിക്കാം.

പുരുഷമാർക്ക് 50 ഒഴിവുകളുള്ളപ്പോൾ സ്ത്രീകൾക്ക് 5 ഒഴിവുകൾ മാത്രമാണ് ഉള്ളത്. 2024 ജൂലൈ 1 ന് 19നും 25 നും ഇടയിലായിരിക്കണം അപേക്ഷകരുടെ പ്രായപരിധി. അംഗീകൃത സര്‍വകലാശാലയില്‍ നിന്നുള്ള ബിരുദമോ തത്തുല്യ യോഗ്യതയോ നിർബന്ധമായും ഉണ്ടായിരിക്കണം.

എല്ലാ വര്‍ഷങ്ങളിലെയും ക്യുമുലേറ്റീവ് മാര്‍ക്ക് പരിഗണിച്ച്‌ കുറഞ്ഞത് 50 ശതമാനം മാര്‍ക്കെങ്കിലും നേടിയിരിക്കണം. മൂന്ന്/നാല് ഡിഗ്രി കോഴ്സുകളുടെ രണ്ട് / മൂന്ന് വര്‍ഷങ്ങളില്‍ യഥാക്രമം 50 ശതമാനം മാര്‍ക്ക് നേടിയിട്ടുള്ളതവര്‍ക്കും നിലവില്‍ അവസാന വര്‍ഷ പഠനം നടത്തുന്നവരുമായ വ്യക്തികൾക്കും അപേക്ഷക്ക് അര്‍ഹതയുണ്ട്.

അവസാന വര്‍ഷ / അവസാന സെമസ്റ്റര്‍ പരീക്ഷ ഈ വര്‍ഷം ഒക്ടോബര്‍ ഒന്നിന് ശേഷം ഷെഡ്യൂള്‍ ചെയ്യുന്ന എല്ലാ അവസാന വര്‍ഷ പരീക്ഷാര്‍ത്ഥികള്‍ക്കും ഈ കോഴ്സിന് അപേക്ഷിക്കാന്‍ അര്‍ഹതയുണ്ടായിരിക്കില്ല. തിരഞ്ഞെടുക്കപ്പെടുന്ന ഉദ്യോഗാര്‍ത്ഥികള്‍ക്ക് ലഭിക്കുന്ന ശമ്പളം

ലെഫ്റ്റനന്റ്: 56,100 – 1,77,500, ക്യാപ്റ്റന്‍: 61,300 – 1,93,900, മേജര്‍: 1,69,400 – 2,07,200, ലെഫ്റ്റനന്റ് കേണല്‍: 1,21,200 – 2,12,400 (12A), കേണല്‍: 1,30,600 – 2,15,900 (13), ബ്രിഗേഡിയര്‍: 1,39,600 – 2,17,600 (13A), മേജര്‍ ജനറല്‍: 1,44,200 – 2,18,200 (14), ലെഫ്റ്റനന്റ് ജനറല്‍ എച്ച്‌ എ ജി സ്‌കെയില്‍ (ലെവല്‍ 15): 1,82,200 – 2,24,100, ലെഫ്റ്റനന്റ് ജനറല്‍ എച്ച്‌ എ ജി+സ്‌കെയില്‍ (ലെവല്‍ 16): 2,05,400 – 2,24,400, വി സി ഒ എസ്/ആര്‍മി കമാന്‍ഡര്‍/ലെഫ്റ്റനന്റ് ജനറല്‍ (എന്‍ എഫ് എസ് ജി) (ലെവല്‍ 17): 2,25,000, സി ഒ എ എസ് (ലെവല്‍ 18): 2,50,000. എന്നിങ്ങനെയായിരിക്കും.