അഴിയെണ്ണാന് ആയുസ് പോരാതെ വരും; പീഡന കേസിൽ വയോധികന് 106 വർഷം തടവ് വിധിച്ച് തളിപ്പറമ്പ് പോക്സോ അതിവേഗ കോടതി
കണ്ണൂര്: വീട്ടില് കയറി പന്ത്രണ്ടുകാരിയെ ലൈംഗികാതിക്രമം നടത്തി പീഡിപ്പിച്ച കേസിൽ വയോധികന് ലഭിച്ചത് 106 വർഷം തടവും പിഴയും. തളിപ്പറമ്പ് പോക്സോ അതിവേഗ കോടതി ജഡ്ജി ആർ.രാജേഷ് പൊട്ടൻപ്ലാവ് സ്വദേശി ബാബു കുഴിപ്പലത്തിലിനെയാണ് (68) ശിക്ഷിച്ചത്.
ആ കാലയളവില് കുടിയാന്മല ഇൻസ്പെക്ടറായിരുന്ന എസ്.അരുൺ പ്രസാദാണ് പ്രതിയെ അറസ്റ്റ് ചെയ്ത് അന്വേഷണം നടത്തി അയാള്ക്കെതിരെ കുറ്റപത്രം സമർപ്പിച്ചത്. ഒമ്പതു വകുപ്പുകളിലായി ആകെ 106 വർഷം തടവും മൂന്നര ലക്ഷം രൂപ പിഴയുമാണ് കോടതി ശിക്ഷ വിധിച്ചത്.