78 കുട്ടികൾക്ക് മുഴുവൻ വിഷയങ്ങൾക്കും എ പ്ലസ്, ജില്ലയിൽ ഒന്നാമത്; 94 ശതമാനം വിജയവുമായി പുത്തൂർ ഗവ. ഹയർ സെക്കന്ററി സ്കൂൾ
വടകര: ഹയർ സെക്കന്ററി പരീക്ഷയിൽ പുത്തൂർ ഗവ. ഹയർ സെക്കന്ററി സ്കൂളിന് 94 ശതമാനം വിജയം. സ്കൂളിൽ നിന്ന് പരീക്ഷ എഴുതിയവരിൽ 304 പേർ ഉന്നത പഠനത്തിന് യോഗ്യത നേടി. 78 കുട്ടികൾ മുഴുവൻ വിഷയങ്ങൾക്കും എ പ്ലസ് കരസ്ഥമാക്കി. കോഴിക്കോട് ജില്ലയിലെ സർക്കാർ സ്കൂളുകളിൽ എറ്റവും കൂടുതൽ വിദ്യാർത്ഥികൾക്ക് മുഴുവൻ വിഷയങ്ങൾക്കും എ പ്ലസ് കെെവരിച്ചെന്ന നേട്ടവും പുത്തൂർ സ്കൂൾ സ്വന്തമാക്കി.
എസ്എസ്എൽസി പരീക്ഷയിൽ തുടർച്ചയായ പതിനൊന്നാം തവണയും നൂറ് ശതമാനം വിജയമാണ് പുത്തൂർ ഗവ. ഹയർ സെക്കന്ററി സ്കൂളിന്. പരീക്ഷ എഴുതിയ 104 വിദ്യാർത്ഥികളും ഉന്നത വിജയത്തിന് യോഗ്യത നേടി. 30 കുട്ടികൾ എല്ലാ വിഷയങ്ങള്ക്കും എ പ്ലസ് നേടി. ഏഴോളം കുട്ടികൾ ഒമ്പത് വിഷയത്തിൽ എ പ്ലസ് നേടി മികവാർന്ന പ്രകടനം കാഴ്ചവെച്ചു.