കല്ലോട് തൊഴിലുറപ്പ് ജോലിക്കിടെ തെങ്ങ് തലയില്‍ വീണു; തൊഴിലാളിയായ സ്ത്രീയ്ക്ക് ദാരുണാന്ത്യം
പേരാമ്പ്ര: തൊഴിലുറപ്പ് ജോലിക്കിടെ തെങ്ങ് തലയില്‍ വീണ് തൊഴിലാളിയായ സ്ത്രീ മരിച്ചു. ലാസ്റ്റ് കല്ലോട് ചെറുകുന്നുമ്മല്‍ ദാക്ഷായണിയാണ് മരിച്ചത്. അന്‍പത്തിയെട്ട് വയസായിരുന്നു.
ശനിയാഴ്ച രാവിലെ പതിനൊന്നരയോടെയായിരുന്നു അപകടം. വീടിന് തൊട്ടടുത്തുള്ള കണിയാംകണ്ടി മീത്തല്‍ പറമ്പില്‍ തൊഴിലുറപ്പ് ജോലി ചെയ്യുകയായിരുന്നു ദാക്ഷായണി.
അപകടമുണ്ടായ ഉടന്‍ പേരാമ്പ്ര താലൂക്ക് ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല.
പേരാമ്പ്ര പൊലീസ് ഇന്‍ക്വസ്റ്റ് നടത്തി. മൃതദേഹം പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.
രാജന്‍ പിള്ളയാണ് ദാക്ഷായണിയുടെ ഭര്‍ത്താവ്. ഷീബ, ഷീബേഷ് എന്നിവരാണ് മക്കള്‍. മരുമകന്‍ ഗംഗന്‍ (പാലേരി).
സംസ്‌കാരം ഞായറാഴ്ച ഉച്ചയ്ക്ക് വീട്ടുവളപ്പില്‍ നടക്കും.
