വടകര: പിക്കപ്പ് ലോറി ബൈക്കിലിടിച്ച് വിദ്യാര്‍ത്ഥി മരിച്ചു. തീക്കുനി ചീനാനി പള്ളിക്ക് സമീപം തലത്തൂര്‍ കുഞ്ഞമ്മദിന്റെ മകന്‍ മുഹമ്മദ് സഹദ് (20) ആണ് മരിച്ചത്. അപകടത്തില്‍ ഒരാള്‍ക്ക് പരിക്കേറ്റു. ഇന്ന് ഉച്ചക്ക് ഒന്നരയോടെ പൂമുഖത്ത് ആണ് അപകടമുണ്ടായത്.

അധ്യാപകന്റെ കൂടെ ബൈക്ക് ഓടിച്ചു പോവുകയായിരുന്നു സഹദ്. എതിര്‍ വശത്തുനിന്ന് വരികയായിരുന്ന പിക്കപ്പ് വാന്‍ സഹദിനെ ഇടിച്ചുതെറിപ്പിക്കുകയായിരുന്നു. അപകടത്തില്‍ ഗുരുതരമായി പരിക്കേറ്റ വിദ്യാര്‍ത്ഥിയെ ഉടനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കൂടെയുണ്ടായിരുന്ന അധ്യാപകന്‍ പരിക്കുകളോടെ രക്ഷപ്പെട്ടു.

മൃതദേഹം കുറ്റ്യാടി താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. പോസ്റ്റ്‌മോര്‍ട്ടം നടത്തിയ ശേഷം ബന്ധുക്കള്‍ക്ക് വിട്ടുനല്‍കും.