മറിപ്പുഴപ്പാലം അപകടാവസ്ഥയില്‍,നാട്ടുകാര്‍ ആശങ്കയില്‍
തിരുവമ്പാടി: ഇരുവഴിഞ്ഞിപ്പുഴയില്‍ മറിപ്പുഴയിലെ തൂക്കുപാലം അപകടാവസ്ഥയില്‍. കൂറ്റന്‍ പാറകള്‍ക്ക് മുകളില്‍ കോണ്‍ക്രീറ്റ് തൂണുകള്‍ നിര്‍മിച്ച് അതില്‍ ഇരുവശത്തും ഇരുമ്പ് വടം വലിച്ചുകെട്ടി കമുകിന്‍ പലക ഉറപ്പിച്ചാണ് പാലം പണിതിരിക്കുന്നത്.
തിരുവമ്പാടി- കോടഞ്ചേരി ഗ്രാമപ്പഞ്ചായത്തുകളെ ബന്ധിപ്പിക്കുന്നതാണ് പാലം. കോടഞ്ചരി പഞ്ചായത്തിലെ കുണ്ടന്‍തോട് ഭാഗത്തേക്ക് മഴക്കാലത്തേക്ക് കടക്കാന്‍ നാട്ടുകാര്‍ നിര്‍മിച്ചതാണ് തൂക്കു പാലം.
അപായസൂചനാ ബോര്‍ഡുകള്‍ പോലും ഇവിടെ സ്ഥാപിച്ചിട്ടില്ല. അധികൃതര്‍ നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം
