ദുരന്തങ്ങള്‍ക്ക് മുന്നില്‍ നിങ്ങള്‍ പകച്ചു നിന്നിട്ടുണ്ടോ? ഇനി പേടിക്കേണ്ട; നിങ്ങള്‍ക്ക് താങ്ങായി ചെറുവണ്ണൂരിൽ ദുരന്തനിവാരണസേനയുണ്ട്
ചെറുവണ്ണൂര്‍: പഞ്ചായത്തില്‍ വര്‍ഷക്കാലത്തുള്‍പ്പടെ സഹായ സന്നദ്ധരായി സി.പി.എം. നേത്യത്വത്തില്‍ ദുരന്ത നിവാരണസേന തയ്യാറായി. ചെറുവണ്ണൂര്‍, ആവള ലോക്കല്‍ കമ്മിറ്റികളുടെ നേതൃത്വത്തിലാണ് 25 പേരടങ്ങുന്ന ഡിസാസ്റ്റര്‍ മാനേജ്‌മെന്റ് ടീമിന് രൂപം നല്‍കിയത്. വിവിധ ഉപകരണങ്ങളും സഹായത്തിനായി സജ്ജമാക്കിയിട്ടുണ്ട്.
പ്രളയകാലത്ത് പുഴയില്‍നിന്ന് വെള്ളം കയറിയത് മൂലം ഏറെ ദുരിതങ്ങള്‍ പഞ്ചായത്തിലുള്ളവര്‍ക്ക് നേരിടേണ്ടി വന്നിരുന്നു. ഈ പശ്ചാത്തലത്തിലാണ് സേവന സന്നദ്ധരായ ടീമിന് രൂപം നല്‍കിയത്.
സി.ജി. ദിനത്തില്‍ സി.പി.എം. ജില്ലാ സെക്രട്ടറി പി. മോഹനന്‍ ഉദ്ഘാടനം നിര്‍വഹിച്ചു. ലോക്കല്‍ സെക്രട്ടറി വി.കെ. നാരായണന്‍ അധ്യക്ഷനായി. മാലേരി മൊയ്തുവില്‍നിന്ന് സുരക്ഷാ ഉപകരണങ്ങള്‍ എ.കെ. ബാലന്‍ ഏറ്റുവാങ്ങി. കെ. കുഞ്ഞമ്മദ്, എം. കുഞ്ഞമ്മദ്, ജില്ലാ പഞ്ചായത്തംഗം സി.എം. ബാബു, കെ.പി. ബിജു, ടി. മനോജ് തുടങ്ങിയവര്‍ സംസാരിച്ചു.