കൊയിലാണ്ടിയില്‍ വോട്ടെണ്ണല്‍ 7 റൗണ്ട് പൂര്‍ത്തിയായി; കാനത്തില്‍ ജമീലയ്ക്ക് 4000 വോട്ടിന് ലീഡ്
കൊയിലാണ്ടി: കൊയിലാണ്ടി നിയോജക മണ്ഡലത്തില്‍ കാനത്തില്‍ ജമീല ലീഡ് ഉയര്‍ത്തുന്നു. 4000 വോട്ടുകള്‍ക്കാണ് കാനത്തില്‍ ലീഡ് ചെയ്യുന്നത്. യുഡിഎഫ് സ്ഥാനാര്‍ത്ഥി എന്‍. സുബ്രഹ്‌മണ്യന്‍ രണ്ടാം സ്ഥാനത്താണ്. ബിജെപിയുടെ എന്‍.പി രാധാകൃഷ്ണനാണ് മൂന്നാം സ്ഥാനത്ത്.
കോഴിക്കോട് ജില്ലയില്‍ എല്‍ഡിഎഫ് തരംഗമാണ് ആഞ്ഞുവീശുന്നത്. പേരാമ്പ്രയിലും ബാലുശ്ശേരിയിലും എല്‍ഡിഎഫ് വിജയിച്ചു. ഏലത്തൂരിലും കോഴിക്കോട് നോര്‍ത്തിലും സൗത്തിലും വിജയമുറപ്പിച്ച് എല്‍ഡിഎഫ്. കുറ്റ്യാടിയില്‍ യുഡിഎഫ് ആണ് മുന്നില്‍.
