വടകര: സാമൂഹ്യ സുരക്ഷ പെൻഷന് സർക്കാർ നൽകുന്ന പ്രാധാന്യം ക്ഷേമനിധി പെൻഷനുകൾക്കും സർക്കാർ നൽകണമെന്ന് എച്ച് എം.എസ് വടകര മണ്ഡലം കമ്മിറ്റി യോഗം ആവശ്യപ്പെട്ടു. നിർമ്മാണ തൊഴിലാളി ക്ഷേമനിധിപെൻഷൻ ഉൾപ്പെടെ പല പെൻഷനുകളും പത്തും പതിനഞ്ചും മാസമായി മുടങ്ങി കിടക്കുകയാണ്.

ക്ഷേമനിധിയിൽ 60 വയസു പൂർത്തിയാക്കി പെൻഷനായ പല തൊഴിലാളികളുടെയും ജീവിതം നരക തുല്യം ആയിരിക്കുകയാണ്. യോഗം കെ.കെ കൃഷ്ണൻ ഉദ്ഘാടനം ചെയ്തു. വി.പി.നാണു അധ്യക്ഷത വഹിച്ചു. എ.ടി.ശ്രീധരൻ, ആർ എം ഗോപാലൻ, പ്രസാദ് വിലങ്ങിൽ, രഞ്ജിത്ത് കാരാട്ട്, പറോൽ ബാബുരാജ്, ടി.പി. അനിൽകുമാർ, കെ.ബാലൻ എന്നിവർ സംസാരിച്ചു.

Welfare pensions should also be given the same importance as social security pensions; HMS Vadakara Mandal Committee