കൊയിലാണ്ടി: മൂടാടിക്ക് സമീപം ദേശീയ പാതയിൽ ടിപ്പര്‍ ലോറി മറിഞ്ഞ് അപകടം. അപകടത്തിൽ ആര്‍ക്കും പരിക്കേറ്റിട്ടില്ല. ഇന്ന് രാത്രി 8 മണിയോടെ മൂടാടി വെള്ളറക്കാട് വെച്ച് ലോറി മറിഞ്ഞത്. കൊയിലാണ്ടി ഭാഗത്ത് നിന്നും വടകര ഭാഗത്തേയ്ക്ക് മെറ്റല്‍ കയറ്റി പ്പോവുകയായിരുന്ന ലോറിയാണ് മറിഞ്ഞത്.

വേഗതയില്‍ വന്ന ബൈക്ക് വെട്ടിച്ചപ്പോൾ ലോറി നിയന്ത്രണം വിട്ട് അപകടം സംഭവിക്കുകയായിരുന്നെന്നാണ് ലഭിക്കുന്ന വിവരം. നിലവില്‍ ദേശീയ പാതയിൽ വലിയ ഗതാഗതക്കുരുക്കാണ്. റോഡിലേയ്ക്ക് മെറ്റല്‍ വീണ നിലയിലായതിനാല്‍ ഒരു സൈഡില്‍കൂടെയാണ് വാഹനങ്ങള്‍ കടത്തിവിടുന്നത്.

Summary: Tipper lorry overturned accident on the national highway near Koyilandi Moodadi; Massive traffic jam