കാസര്‍ഗോഡ്: നീലേശ്വരം കൊല്ലംപാറയില്‍ കാറും ലോറിയും കൂട്ടിയിടിച്ച് മൂന്ന് യുവാക്കള്‍ മരിച്ചു. ഒരാള്‍ക്ക് പരിക്കേറ്റു. കരിന്തളം സ്വദേശികളായ കെ.കെ. ശ്രീരാഗ്, കിഷോര്‍, കൊന്നക്കാട് സ്വദേശി അനുഷ് എന്നിവരാണ് മരണപ്പെട്ടത്. കെഎസ്ഇബി കരാര്‍ തൊഴിലാളികളാണ് മൂന്ന് പേരും. ഇവര്‍ സഞ്ചരിച്ചിരുന്ന കാര്‍ ടിപ്പറുമായി കൂട്ടിയിടിക്കുകയായിരുന്നു.

കാറിലുണ്ടായിരുന്ന കരിന്തളം സ്വദേശി ബിനുവിനാണ് പരിക്കേറ്റത്. ഇദ്ദേഹം കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്. കഴിഞ്ഞ ദിവസം രാത്രി എട്ടരയോടെയായിരുന്നു അപകടം. അപകടത്തില്‍ കാര്‍ പൂര്‍ണമായും തകര്‍ന്നു.