വടകര: മോഷ്ടാക്കൾ വടകരയിൽ വിലസുകയാണെന്ന് ന​ഗരത്തിലെ വ്യാപാരികൾ പറയുന്നു. രാത്രിയായി കഴിഞ്ഞാൽ മാർക്കറ്റ് റോഡ് ഉൾപ്പടെ എല്ലായിടത്തും ഇരുട്ടാണ്. തെരുവ് വിളക്കുകൾ പലയിടത്തും പേരിന് മാത്രമാണുള്ളത്. പോലിസിന്റെ നൈറ്റ് പട്രോളിംങും കാര്യക്ഷമമല്ലെന്ന് വ്യാപാരികൾ ആരോപിക്കുന്നു. ഇതെല്ലാം വടകരയിൽ മോഷ്ടാക്കൾ വിലസുന്നതിന് കാരണമാകുകയാണ്.

രണ്ട് വർഷത്തനിടെ ന​ഗരത്തിലെ വ്യാപാര സ്ഥാപനങ്ങൾ കേന്ദ്രീകരിച്ച് ആറോളം മോഷണങ്ങൾ നടന്നിട്ടുണ്ട്. ചില മോഷ്ടാക്കൾ സിസിടിവി ദൃശ്യത്തിൽ കുടുങ്ങിയിട്ടും പോലിസിന് ആ പ്രതികളെ പിടികൂടാൻ കഴിഞ്ഞില്ലെന്ന് വ്യാപാരികൾ വടകര ഡോട് ന്യൂസിനോട് പറഞ്ഞു. രണ്ട് വർഷം മുൻപ് മാർക്കറ്റ് റോഡിലെ കടയിൽ വ്യാപാരി രാജൻ കൊല്ലപ്പെട്ടിട്ടും ന​ഗരത്തിൽ രാത്രികാല പോലിസ് പട്രോളിംങ് ശക്തമാക്കിയിട്ടില്ല.

വ്യാപാരികൾ നിരവധി തവണ ന​ഗരത്തിലെ തെരുവ് വിളക്കുകൾ പുന:സ്ഥാപിക്കുന്നത് സംബന്ധിച്ച് മുൻസിപ്പാലിറ്റിയിൽ പറഞ്ഞിട്ടും നടപടിയായില്ലെന്ന് വ്യാപാരി സലാം വടകര ഡോട് ന്യൂസിനോട് പറഞ്ഞു. ന​ഗരത്തിൽ മോഷണം വ്യാപകമാകുന്ന പശ്ചാത്തലത്തിൽ എത്രയും പെട്ടെന്ന് ന​ഗരത്തിലെ തെരുവ് വിളക്കുകൾ പ്രകാശിപ്പിക്കണമെന്നും പോലിസിന്റെ നൈറ്റ് പട്രോളിം​ഗ് കാര്യക്ഷമമാക്കണമെന്നും അദ്ദേഹം പറയുന്നു.