കൂരാച്ചുണ്ട്: കക്കയം – തലയാട് പിഡബ്യുഡി റോഡില്‍ ഇരുപത്താറാം മൈല്‍ഭാഗത്ത് റോഡില്‍ യാത്രക്കാര്‍ക്ക് തടസമായ നിലയില്‍ കാടുമൂടിയതായി പരാതി. റോഡിന്റെ ഇരു ഭാഗങ്ങളിലും വന്‍തോതില്‍ കാട് മൂടിയത് എതിരെ വരുന്ന വലിയ വാഹനങ്ങള്‍ക്ക് സൈഡ് കൊടുക്കാന്‍ പോലും കഴിയാത്ത അവസ്ഥയാണ്.

ഏറെ പ്രയാസപ്പെട്ടാണ് ഈ മേഖലയിലൂടെ വാഹനങ്ങള്‍ പൊയ്‌ക്കൊണ്ടിരിക്കുന്നത്. വളവുകള്‍ നിറഞ്ഞ ഈ റോഡിന്റെ നിരവധി സ്ഥലങ്ങളില്‍ കാടുവളര്‍ന്നത് യാത്രക്കാരെ ദുരിതത്തിലാക്കുതായി പരാതി ഉയരുന്നുണ്ട്.

കക്കയത്തു നിന്നുള്ള സ്വകാര്യബസുകളും മറ്റ് ഒട്ടനവധി വാഹനങ്ങള്‍ ഓടുന്നതുമായ ഏറെ തിരക്കേറിയ റോഡാണിത്. കാട് വെട്ടി നീക്കാന്‍ അധികൃതര്‍ തയ്യാറാവണമെന്നണ് നാട്ടുകാര്‍ ആവശ്യപ്പെടുത്.

summery: there is complaints that the road near kakkayam-thalayad is obstructed by forest cover