നാദാപുരം: ഷാർജ ഇൻ്റർനാഷണൽ പുസ്തകോത്സവത്തിൽ തിളങ്ങി നാദാപുരം സ്വദേശിനി. അയിഷ അലിഷ്ബ എന്ന ഏഴാം ക്ലാസ്സുകാരി എഴുതിയ ‘ടേൽസ് ഒഫ് ലോക് വുഡ്ലാൻറ് ദി ബ്ലൂ ഗേറ്റ് ‘ എന്ന ഇംഗ്ലീഷ് ഫാൻ്റസി നോവൽ ഷാർജ ഇൻ്റർനാഷണൽ പുസ്തകോത്സവത്തിൽ പ്രകാശനം ചെയ്തു. ഷാർജ ഇന്ത്യൻ അസോസിയേഷൻ പ്രസി. നിസാർ തളങ്കര മാധ്യമ പ്രവർത്തകൻ കമാൽ വരദൂറിന് പുസ്തകം നൽകി പ്രകാശനം നിർവ്വഹിച്ചു.

നാദാപുരം സ്വദേശി എംപി സലീമിന്റെയും ആരിഫയുടെയും മകളാണ് അലിഷ്ബ. ഹൈടെക് പബ്ലിക് സ്കൂൾ വിദ്യാർത്ഥിയാണ്. പുസ്തക പ്രകാശന ചടങ്ങിൽ ഡോ.ഗ്ലോറി മാത്യു ഐമനം, പി.കെ.ഹാഷിം, മിൻ്റോ പി.ജേകബ്, എം.പി.ജാഫർ, ലിപി അക്ബർ എന്നിവർ സംസാരിച്ചു.