തിരുവനന്തപുരം: മോ​ട്ടോ​ർ വാ​ഹ​ന വ​കു​പ്പി​ന്റെ പു​തി​യ സോ​ഫ്റ്റ്‌​വെ​യ​റിന് ജന സ്വീകാര്യതയേറുന്നു. ഫാ​ൻസി ന​മ്പ​റു​ക​ൾ ഓ​ൺ​ലൈ​നാ​യി റിസർവ് ചെ​യ്യാ​നാ​കും. സൈ​റ്റി​ൽ യൂ​സ​ർ ഐ​ഡി​യും പാ​സ്‌​വേ​ഡും ഉ​പ​യോ​ഗി​ച്ച് ലോ​ഗി​ൻ ചെ​യ്ത് ആ​ർ.​ടി ഓ​ഫി​സ് തിര​ഞ്ഞെ​ടു​ക്കു​മ്പോ​ൾ റിസർവ് ചെ​യ്യാ​ൻ സാ​ധി​ക്കു​ന്ന ഫാ​ൻസി ന​മ്പ​റി​ന്റെ ലി​സ്റ്റ് കാ​ണാ​ൻ ക​ഴി​യു​ന്ന ത​ര​ത്തി​ലാ​ണ് സം​വി​ധാ​നം.

ന​മു​ക്ക് ഇ​ഷ്ട​പ്പെ​ട്ട​വ സെ​ർ​ച് ബൈ ​ന​മ്പ​ർ എ​ന്ന ലി​ങ്കി​ൽ ക്ലി​ക്ക് ചെ​യ്ത് ടൈ​പ് ചെ​യ്ത് ന​ൽ​കി കാ​ണാ​വു​ന്ന​താ​ണ്. ലേ​ല​ത്തി​ൽ പ​ങ്കെ​ടു​ക്കാ​ൻ ഓ​ഫി​സി​ലേ​ക്ക് പോ​കേണ്ട​തി​ല്ല, ഫാ​ൻസി​ന​മ്പ​ർ ബു​ക്ക്‌ ​ചെ​യ്തി​ട്ടു​ള്ള​വ​ർക്ക് വി​ദേ​ശ​ത്ത് ​നി​ന്നു​വേ​ണ​മെ​ങ്കി​ലും ഓ​ൺലൈ​നായി ലേ​ല​ത്തി​ൽ പ​ങ്കെ​ടു​ക്കാ​നാ​കും എ​ന്ന​തും സ​വി​ശേ​ഷ​ത​യാ​ണ്. കേ​ന്ദ്ര സ​ർ​ക്കാ​റി​ന്റെ മി​നി​സ്ട്രി ഓ​ഫ് റോ​ഡ് ട്രാ​ൻ​സ്പോ​ർ​ട്ട് ആ​ൻ​ഡ് ഹൈ​വേ​സ് വ​കു​പ്പി​ന്റെ പ​രി​വാ​ഹ​ൻ എ​ന്ന ഇ-​വാ​ഹ​ൻ വെ​ബ്സൈ​റ്റി​ലെ ഉ​പ വി​ഭാ​ഗ​മാ​യ https://fancy.parivahan.gov.in/fancy/faces/public/login.xhtml വ​ഴി ന​മ്പ​റു​ക​ൾ പരിശോധിക്കാവു​ന്ന​താ​ണ്.

ഇ​ഷ്ട​പ്പെ​ട്ട ന​മ്പ​ർ തി​ര​ഞ്ഞെ​ടു​ത്ത ശേ​ഷം ക്ലി​ക്ക് ചെ​യ്യു​ക. അ​പ്പോ​ൾ ആ​പ്ലി​ക്കേ​ഷ​ൻ ന​മ്പ​ർ ചോ​ദി​ക്കും. വാ​ഹ​ന​ത്തി​ന്റെ ടാ​ക്‌​സ് അ​ട​ച്ച താ​ൽ​ക്കാ​ലി​ക ര​ജി​സ്‌​ട്രേ​ഷ​ൻ ന​മ്പ​റി​ന് ല​ഭി​ച്ച ആ​പ്ലി​ക്കേ​ഷ​ൻ ന​മ്പ​റാ​ണ് ചോ​ദി​ക്കു​ന്ന​ത്. ഒ​രാ​ഴ്ച​ക്കു​ള്ളി​ൽ മ​റ്റാ​രും ഇ​തേ ന​മ്പ​റി​ന് അ​പേ​ക്ഷ ന​ൽകി​യി​ട്ടി​ല്ല എ​ങ്കി​ൽ അ​ടി​സ്ഥാ​ന വി​ല​യി​ൽ ത​ന്നെ നി​ങ്ങ​ൾ​ക്ക് ആ ​ന​മ്പ​ർ ല​ഭി​ക്കും.