പേരാമ്പ്ര: പേരാമ്പ്ര ബൈപ്പാസില്‍ കാര്‍ നിയന്ത്രണം വിട്ട് റോഡില്‍ നിന്നും പറമ്പിലേക്ക് വീണ്‌ അപകടം. നാല് പേര്‍ക്ക് പരിക്കേറ്റു. അശ്വിനി ആയുര്‍വേദ ഹോസ്പിറ്റലിന് സമീപം മുറിച്ചാണ്ടിതാഴെ ഇന്ന് രാവിലെ ഏഴ് മണിയോടെയാണ് സംഭവം. നിയന്ത്രണം വിട്ട കാര്‍ റോഡ് റോഡിന് സമീപത്തെ ഗാര്‍ഡ് സ്റ്റോണില്‍ ഇടിച്ച് തൊട്ടടുത്ത പറമ്പിലേക്ക് വീഴുകയായിരുന്നു.

കോഴിക്കോട് എയര്‍പോര്‍ട്ടില്‍ നിന്നും കടമേരി ഭാഗത്തേക്ക് പോവുകയായിരുന്നു കാറിലെ യാത്രക്കാര്‍
എന്നാണ് ലഭിക്കുന്ന വിവരം. അപകടത്തിന് പിന്നാലെ നാട്ടുകാര്‍ ചേര്‍ന്ന് പരിക്കേറ്റവരെ പേരാമ്പ്ര ഇഎംഎസ് ആശുപത്രിയില്‍ പ്രവേശിപ്പിച്ചു.

രണ്ട് സ്ത്രീകളും ഒരു കുട്ടിയുമടക്കം അഞ്ചോളം യാത്രക്കാര്‍ കാറിലുണ്ടായിരുന്നതായാണ് വിവരം. അപകടത്തില്‍ കാറിന്റെ മുന്‍വശം പൂര്‍ണമായും തകര്‍ന്ന നിലയിലാണ്.

Description: The car went out of control on the Perampra Bypass and fell into a nearby field