‘അഴിയൂര്‍ പഞ്ചായത്തിലെ വനിതാ ജീവനക്കാരിയെ അപമാനിച്ച ക്ലര്‍ക്കിനെതിരെ നടപടി സ്വീകരിക്കുക’; പ്രതിഷേധിച്ച് എല്‍ഡിഎഫ്
അഴിയൂര്‍: പഞ്ചായത്ത് എഇ ഓഫീസിലെ വനിതാ ജീവനക്കാരിയെ കൈയ്യേറ്റം ചെയ്യുകയും മാനസികമായി പീഡിപ്പിക്കുകയും ചെയ്ത ക്ലര്‍ക്കിനെതിരെ ഭരണസമിതി എടുത്ത തീരുമാനം നടപ്പാക്കാന്‍ തയ്യാറാവാത്ത സെക്രട്ടറിയുടെയും പ്രസിഡണ്ടിന്റെയും നിലപാടില്‍ പ്രതിഷേധിച്ച് എല്‍ഡിഎഫിന്റെ നേതൃത്വത്തില്‍ പ്രതിഷേധ മാര്‍ച്ചും ധര്‍ണയും നടത്തി.
എല്‍ഡിഎഫ് അഴിയൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ പഞ്ചായത്ത് ഓഫീസിന് മുമ്പില്‍ സംഘടിപ്പിച്ച ധര്‍ണ സി.പി.ഐ.എം ഒഞ്ചിയം ഏരിയാ കമ്മിറ്റി അംഗം പി.ശ്രീധരന്‍ ഉദ്ഘാടനം ചെയ്തു. കൈപ്പാട്ടില്‍ ശ്രീധരന്‍ അധ്യക്ഷത വഹിച്ചു.
എ.ടി ശ്രീധരന്‍, കെ.എ സുരേന്ദ്രന്‍, മുബാസ് കല്ലേരി, കെ.പി പ്രമോദ്, റഫീഖ് അഴിയൂര്‍, കെ.പി പ്രീജിത്ത് കുമാര്‍, ടി.എന്‍ പങ്കജാക്ഷി എന്നിവര്‍ സംസാരിച്ചു. എല്‍ഡിഎഫ് പഞ്ചായത്ത് കണ്‍വീനര്‍ എം.പി ബാബു സ്വാഗതം പറഞ്ഞു.