Tag: മരളൂർ

കൊയിലാണ്ടി: മരളൂർ നൻമന തിയ്യലത്ത്താഴെ റോഡ് ഉദ്ഘാടനം ചെയ്തു. കെ.ദാസൻ എം.എൽ.എയാണ് ഉദ്ഘാടനം നിർവ്വഹിച്ചത്. കൗൺസിലർ എൻ.ടി.രാജീവൻ അധ്യക്ഷത വഹിച്ചു. മുൻ കൗൺസിലർമാരായ സീമ കുന്നുമ്മൽ, എം.ടി.സന്തോഷ്, കലേക്കാട്ട് ബാബുരാജ് എന്നിവർ സംസാരിച്ചു. കൊയിലാണ്ടി നഗരസഭ 2020-21 വാർഷിക പദ്ധതിയിൽ ഉൾപ്പെടുത്തി 8.25 ലക്ഷം രൂപ ചിലവഴിച്ചാണ് റോഡിന്റെ പ്രവൃത്തി പൂർത്തീകരിച്ചത്.

കൊയിലാണ്ടി: മരളൂർ മഹാദേവ ക്ഷേത്രോത്സവം ഇന്ന് തുടങ്ങും. കോവിഡ് നിയന്ത്രണങ്ങൾ പാലിച്ചാണ് ചടങ്ങുകൾ. 17-ന് രാത്രി എട്ടിന് കൊടിയേറ്റം. 20 വരെ ക്ഷേത്രാനുഷ്ഠാനങ്ങൾ. 21-ന് പള്ളിവേട്ട എഴുന്നള്ളത്ത്, 22-ന്‌ ആറാട്ട്, എട്ടിന് കുളിച്ചാറാട്ട്, കൊടിയിറക്കം എന്നിവയോടെ ഉത്സവം സമാപിക്കും.