Tag: Fire Force
തെങ്ങ് മുറിക്കുന്നതിനിടെ തെങ്ങില്‍ നിന്നുതെറിച്ച് താഴേക്ക്: സുരക്ഷയ്ക്കായി കെട്ടിയ വടത്തില്‍ തൂങ്ങി; മരണത്തിന്റെ വക്കില്‍ നിന്നും കായണ്ണ സ്വദേശിയെ ഏറെ പണിപ്പെട്ട് രക്ഷിച്ച് പേരാമ്പ്രയിലെ അഗ്നിരക്ഷാ പ്രവര്‍ത്തകര്‍
പേരാമ്പ്ര: തെങ്ങ് മുറിക്കുന്നതിനിടെ തെങ്ങില്‍ നിന്ന് തെറിച്ച് വീണ് വടത്തില്‍ കുടുങ്ങിയ ചെറുക്കാട് സ്വദേശിയെ അഗ്നിരക്ഷാ സേനാ പ്രവര്‍ത്തകര്‍ രക്ഷപ്പെടുത്തി. കായണ്ണ പൂളച്ചാലില്‍ റിയാസിനെയാണ് (40) രക്ഷപ്പെടുത്തിയത്. ഇന്ന് ഉച്ചയോടെയായിരുന്നു സംഭവം. കായണ്ണ പഞ്ചായത്ത് എട്ടാം വാര്‍ഡില്‍ പുളിയന്‍കുന്നുമ്മല്‍ ചന്ദ്രികയുടെ വീട്ടുപറമ്പിലെ തെങ്ങ് മുറിക്കുന്നതിനിടയില്‍ തെങ്ങിന്റെ മുകള്‍ഭാഗം വീഴുന്ന ആഘാതത്തില്‍ റിയാസും തെങ്ങില്‍ നിന്ന് തെറിച്ചുവീഴുകയായിരുന്നു.
കൊപ്ര മോഷ്ടിക്കാന്‍ പറ്റാതായതോടെ ഉടമയോട് പക തോന്നി; ഉടന്‍ ചേവിന് തീയിട്ടു; ആവളയിലെ കൊപ്ര ചേവിന് തീപിടിച്ചതിനു പിന്നിലെ സംഭവമിങ്ങനെ: പ്രതി അറസ്റ്റില്‍
ചെറുവണ്ണൂര്‍: ഗുളികപ്പുഴപ്പാലത്തിനു സമീപം ആവളയില്‍ കൊപ്ര ചേവില്‍ വന്‍ തീപിടിത്തത്തിന് വഴിവെച്ചയാള്‍ അറസ്റ്റില്‍. ആവള സ്വദേശിയായ മണമല്‍ ലത്തീഫിനെയാണ് മേപ്പയ്യൂര്‍ പൊലീസ് അറസ്റ്റു ചെയ്തത്. കൊപ്ര മോഷ്ടിക്കാന്‍ പറ്റാത്തതിന്റെ വൈരാഗ്യത്തില്‍ ചേവിന് തീയിട്ടതാണെന്ന് പൊലീസ് അന്വേഷണത്തില്‍ കണ്ടെത്തിയിരുന്നു. ഇതിനു പിന്നാലെയാണ് പ്രതിയെ പ്രതിയെ അറസറ്റു ചെയ്തത്. ജൂലൈ 16നായിരുന്നു കേസിനാസ്പദമായ സംഭവം. വേളം പൂളക്കൂല്‍ സ്വദേശി
ആള്‍മറയോ വേലിയോ ഇല്ലാത്ത തുറന്ന കിണറുകള്‍ കന്നുകാലികള്‍ക്ക് ഭീഷണിയെന്ന് അഗ്നിരക്ഷാസേന; കൂരാച്ചുണ്ടില്‍ കിണറ്റില്‍ വീണ പശുവിനെ പേരാമ്പ്ര ഫയര്‍ ഫോഴ്സ് രക്ഷപ്പെടുത്തി (വീഡിയോ കാണാം)
പേരാമ്പ്ര: കൂരാച്ചുണ്ടില്‍ കിണറ്റില്‍ വീണ പശുവിനെ പേരാമ്പ്ര ഫയര്‍ ഫോഴ്സ് എത്തി രക്ഷിച്ചു. പാംബ്ലാനിയില്‍ തോമസിന്റെ തോട്ടത്തിലെ കാട് മൂടിയ സ്ഥലത്തുള്ള ആള്‍മറയില്ലാത്ത കിണറ്റിലാണ് പശു വീണത്. അസിസ്റ്റന്റ് സ്‌റ്റേഷന്‍ ഓഫീസര്‍ പി.സി.പ്രേമന്റെ നേതൃത്വത്തിലുള്ള ഫയര്‍ ഫോഴ്സ് സംഘമാണ് പശുവിനെ രക്ഷിച്ചത്. ഫയര്‍ ആന്‍ഡ് റെസ്ക്യൂ ഓഫീസര്‍ കെ.ശ്രീകാന്താണ് കിണറ്റില്‍ ഇറങ്ങി പശുവിനെ പുറത്തെത്തിച്ചത്. പി.ആര്‍.സോജു,
ജോലിസമയമല്ലാത്തപ്പോഴും ചുമതല മറക്കാതെ അഗ്നിശമന സേനാംഗം; കിണറ്റില്‍ വീണ ആടിനെ സാഹസികമായി രക്ഷിച്ച ചെറുവണ്ണൂരിലെ ഫയര്‍ ആന്‍ഡ് റെസ്ക്യൂ ഓഫീസര്‍ ഷിജുവിന്റെ സഹജീവി സ്നേഹത്തിന് ബിഗ് സല്യൂട്ട്‌
മേപ്പയ്യൂർ: ജോലിയിൽ ഇല്ലാതിരുന്ന സമയമായിട്ട് പോലും സഹജീവിയോടുള്ള കരുതൽ മറക്കാതിരുന്ന അഗ്നിശമനസേനാംഗത്തിന് അഭിനന്ദന പ്രവാഹം. കൊയിലാണ്ടി ഫയർ സ്റ്റേഷനിലെ ഫയർ ആൻഡ് റെസ്ക്യൂ ഓഫീസർ ഷിജുവാണ് ചെറുവണ്ണൂർ തെക്കേകല്ലുള്ള പറമ്പിൽ ദിനേശന്റെ കിണറ്റിൽ വീണ ആടിനെ സാഹസികമായി രക്ഷപ്പെടുത്തിയത്. വ്യാഴാഴ്ച ഉച്ചയോടെയായിരുന്നു സംഭവം. ആട് കിണറ്റിൽ വീണതറിഞ്ഞ വീട്ടുടമസ്ഥൻ തന്റെ നാട്ടുകാരനായ അഗ്നിശമന സേനാംഗം ഷിജുവിനെ
കുടുങ്ങിക്കിടക്കുന്നത് എവിടെയെന്ന് കണ്ടെത്തിയത് ശബ്ദം പിന്തുടർന്ന്, കോണ്‍ക്രീറ്റ് സ്ലാബിനുള്ളില്‍ കാല് കുടുങ്ങിയത് രക്ഷാപ്രവര്‍ത്തനം ദുഷ്‌കരമാക്കി; മണ്ണിനടിയില്‍ കുടുങ്ങിയ നാരായണക്കുറുപ്പിനെ പുറത്തെടുത്തിട്ടും ജീവന്‍ നഷ്ടപ്പെട്ടതിന്റെ സങ്കടത്തില്‍ പേരാമ്പ്ര ഫയര്‍ ഫോഴ്സ്
പേരാമ്പ്ര: വിവരം അറിഞ്ഞതിനെ തുടർന്ന് ഫയർ ഫോഴ്സ് യൂണിറ്റ് എത്തുമ്പോൾ നാരായണക്കുറുപ്പിനെ കാണാൻ പോലും സാധിക്കാത്തവിധം മണ്ണും കല്ലും മൂടിക്കിടക്കുകയായിരുന്നു. ശബ്ദം കേട്ടത് ശ്രദ്ധിച്ചാണ് ആൾ എവിടെയാണ് കുടുങ്ങിക്കിടക്കുന്നത് എന്ന് അഗ്നിരക്ഷാ സേനാംഗങ്ങൾ മനസിലാക്കിയത്. പിന്നെ അതിവേഗം നാരായണക്കുറുപ്പിനെ രക്ഷിക്കാനുള്ള പരിശ്രമങ്ങളാണ് സേന നാട്ടുകാരുടെയും പൊലീസിന്റെയും സഹായത്തോടെ നടത്തിയത്. ഇന്നലെ സന്ധ്യയോടെയാണ് പേരാമ്പ്ര പഞ്ചായത്തിലെ പതിമൂന്നാം
പരിശ്രമം പാഴായി; പേരാമ്പ്രയില്‍ മണ്ണിനടിയിൽ നിന്ന് രക്ഷപ്പെടുത്തിയ മധ്യവയസ്‌കന്‍ മരണത്തിന് കീഴടങ്ങി
പേരാമ്പ്ര: മണ്ണിനടിയില്‍ നിന്ന് രക്ഷപ്പെടുത്തിയ മധ്യവയസ്‌കന്‍ ഒടുവില്‍ മരണത്തിന് കീഴടങ്ങി. ഇന്ന് വൈകീട്ട് പേരാമ്പ്രയിൽ മതിലിടിഞ്ഞ് വീണ് മണ്ണിനടിയിൽ കുടുങ്ങിയ മരുതോമ്മല്‍ പരപ്പില്‍ പാറക്കുമീത്തല്‍ നാരായണക്കുറുപ്പാണ് മരിച്ചത്. അറുപത്തിയേഴ് വയസായിരുന്നു. ഒരു മണിക്കൂറോളം നീണ്ട പരിശ്രമത്തിനൊടുവിലാണ് ഫയർ ഫോഴ്സും പൊലീസും നാട്ടുകാരും ചേർന്ന് അദ്ദേഹത്തെ പുറത്തെടുത്തത്. ഉടൻ തന്നെ പേരാമ്പ്രയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
മരണവുമായി ഒരു മണിക്കൂറോളം മുഖാമുഖം; പേരാമ്പ്രയില്‍ മതിലിടിഞ്ഞ് മണ്ണിനടിയില്‍ കുടുങ്ങിയ മധ്യവയസ്‌കനെ രക്ഷിച്ചു
പേരാമ്പ്ര: പേരാമ്പ്രയില്‍ മതിലിടിഞ്ഞ് മണ്ണിനടിയില്‍ കുടുങ്ങിയ മധ്യവയസ്‌കനെ രക്ഷിച്ചു. മരുതോമ്മല്‍ പരപ്പില്‍ പാറക്കുമീത്തല്‍ നാരായണക്കുറുപ്പിനെയാണ് ഫയര്‍ ഫോഴ്സും പൊലീസും നാട്ടുകാരും ചേര്‍ന്ന് നടത്തിയ രക്ഷാപ്രവര്‍ത്തനത്തിനൊടുവില്‍ ഒരു മണിക്കൂറിന് ശേഷം രക്ഷപ്പെടുത്തിയത്. നാരായണക്കുറുപ്പിന്റെ വീടിനോട് ചേര്‍ന്നാണ് അപകടം നടന്നത്. വീടിന് സമീപം നില്‍ക്കുകയായിരുന്ന അദ്ദേഹത്തിന്റെ ദേഹത്തേക്ക് അയല്‍വാസിയുടെ നിര്‍മ്മാണത്തിലിരിക്കുകയായിരുന്ന മതിലിടിഞ്ഞ് വീഴുകയായിരുന്നു. മതിലിടിഞ്ഞ് കുടുങ്ങിയ നാരായണക്കുറുപ്പ് രക്ഷപ്പെടുത്തുന്നതു
‘കാറിലുണ്ടായിരുന്ന രണ്ടുപേര്‍ക്ക് ബോധമില്ലായിരുന്നു, മൂന്നാമന്‍ കാര്യങ്ങള്‍ വിശദീകരിച്ചു; അപകടം നടന്ന സ്ഥലത്ത് റോഡില്‍ കല്ലുകള്‍ ചിതറിക്കിടക്കുകയായിരുന്നു’; പൊയില്‍ക്കാവിലെ അപകടത്തെക്കുറിച്ച് അഗ്നിരക്ഷാ സേന പേരാമ്പ്ര ന്യൂസ് ഡോട് കോമിനോട്
കൊയിലാണ്ടി: ദേശീയപാതയില്‍ പൊയില്‍ക്കാവില്‍ കാറും ലോറിയും കൂട്ടിയിടിച്ച് അപകടം നടന്ന സ്ഥലത്ത് ഫയര്‍ ഫോഴ്സ് എത്തുമ്പോള്‍ കാറിലുണ്ടായിരുന്ന മൂന്നുപേരെയും നാട്ടുകാര്‍ ചേര്‍ന്ന് പുറത്തെടുത്തിരുന്നു. ഒരാളെ അവിടെയുണ്ടായിരുന്ന ആംബുലന്‍സില്‍ ആശുപത്രിയിലേക്ക് കൊണ്ടുപോകാന്‍ നോക്കുകയായിരുന്നെന്നാണ് രക്ഷാപ്രവര്‍ത്തനത്തില്‍ ഭാഗമായ കൊയിലാണ്ടിയിലെ അഗ്നിരക്ഷാ സേന ജീവനക്കാരന്‍ പറഞ്ഞത്. രണ്ടുപേരെ സേനയുടെ ആംബുലന്‍സിലാണ് ആശുപത്രിയിലേക്ക് എത്തിച്ചത്. കാറിന്റെ ഡ്രൈവര്‍ക്കും കൂടെയുണ്ടായിരുന്ന ഒരു യാത്രക്കാരനും
പശുവിനെ രക്ഷിക്കാനായി ഇറങ്ങിയ രണ്ട് പേർ കിണറ്റിൽ കുടുങ്ങി; രക്ഷകരായി പേരാമ്പ്ര ഫയർ ഫോഴ്സ് (വീഡിയോ കാണാം)
പേരാമ്പ്ര: പശുവിനെ രക്ഷിക്കാനായി ഇറങ്ങി കിണറ്റിൽ കുടുങ്ങിപ്പോയ രണ്ട് പേർക്ക് രക്ഷകരായി പേരാമ്പ്ര ഫയർ ഫോഴ്സ്. പെരുവണ്ണാമൂഴി താഴത്തുവയലില്‍ എഴുത്തുപുരയ്ക്കല്‍ സനലിന്‍റെ വീട്ടിലാണ് സംഭവമുണ്ടായത്. ഏകദേശം 65 അടി ആഴമുള്ള കിണറിലാണ് പശു വീണത്. കിണറിൽ 15 അടിയോളം വെള്ളവുമുണ്ടായിരുന്നു. പശുവിനെ രക്ഷിക്കാനായാണ് സന്തോഷ് കുന്നോത്ത്, കെ.സി.ഷാജി കുഞ്ഞാമ്പുറത്ത് എന്നിവർ കിണറ്റിലിറങ്ങിയത്. തിരികെ കയറാനാകാതെ ഇവർ
വീട്ടില്‍ വണ്ടുശല്യം രൂക്ഷം; ഫയര്‍ഫോഴ്‌സെത്തി തുരത്തി
പേരാമ്പ്ര: കൊത്തിയ പാറ മൊയ്തിക്കയുടെ വീട്ടിലെ വണ്ട് ശല്യം പേരാമ്പ്ര ഫയര്‍ഫോഴ്‌സ് സിവില്‍ ഡിഫന്‍സ് വളണ്ടിയര്‍ സിജീഷ് ചിറയലിന്റെ നേതൃത്വത്തില്‍ തുരത്തി. 8 വളണ്ടിയര്‍മാര്‍ ഇന്ന് മണിക്കുറുകളോളം പണിയെടുത്താണ് വണ്ടിനെ തുരത്തിയത്. വാര്‍ഡ് മെമ്പര്‍ വിനീത മനോജിന്റെ നേതൃത്വത്തില്‍ ആര്‍ആര്‍ടി മെമ്പര്‍മാരും പങ്കെടുത്തു.