മലപ്പുറം: മലപ്പുറത്ത് പോക്സോ കേസില്‍ അറസ്റ്റിലായ അധ്യാപകനെതിരെ കൂടുതല്‍ വിദ്യാര്‍ഥികള്‍ മൊഴി നല്‍കി. വിദ്യാർത്ഥിനികൾക്ക് നേരെ ലൈംഗികാതിക്രമം നടത്തിയതിനെ തുടർന്ന് പോക്സോ കേസിൽ അറസ്റ്റിലായ വേങ്ങര ഗവ. വൊക്കേഷണൽ ഹയർ സെക്കൻഡറി അധ്യാപകൻ അബ്ദുൽ കരീമിനെതിരെയാണ് കൂടുതൽ കുട്ടികൾ പൊലീസിന് മൊഴി നൽകിയത്.

ഇന്നലെ രണ്ട് കുട്ടികള്‍ കൂടി അധ്യാപകൻ്റെ ലൈംഗികാതിക്രമത്തിനെതിരെ പോലീസില്‍ മൊഴി നൽകിയിരുന്നു. ഇതോടെ അധ്യാപകന് എതിരെ മൊഴി നൽകിയ കുട്ടികളുടെ എണ്ണം മൂന്നായി. ഇവരുടെ മൊഴികളുടെ അടിസ്ഥാനത്തിൽ മൂന്നു എഫ്ഐആർ രജിസ്റ്റർ ചെയ്തിട്ടുണ്ട്. കൂടുതൽ കുട്ടികൾ അധ്യാപകന് എതിരെ മൊഴി നൽകാന്‍ സാധ്യതയുണ്ട്.