നാദാപുരം: രണ്ടുദിവസങ്ങളിലായി ഇരിങ്ങണ്ണൂരിൽ നടന്ന സിപിഐഎം നാദാപുരം ഏരിയ സമ്മേളനത്തിന് ഉജ്ജ റാലിയോടെ സമാപനം. കോരിച്ചൊരിയുന്ന മഴയിലും റാലിയിൽ വിവിധ ലോക്കൽ കമ്മറ്റികളിൽ നിന്നെത്തിയ നൂറുകണക്കിന് പ്രവർത്തകരും വളണ്ടിയർമാരുമാണ് അണിനിരന്നത്.

ഇരിങ്ങണ്ണൂർ ഹയർ സെക്കൻഡറി സ്കൂളിൽ സജ്ജമാക്കിയ കോടിയേരി ബാലകൃഷ്ണൻ നഗറിൽ ഇന്നലെ രാവിലെ എം കുഞ്ഞിരാമൻ പതാക ഉയർത്തിയാണ് സമ്മേളനത്തിന് തുടക്കം കുറിച്ചത്. ഇന്ന് ഉച്ചയോടെയാസ് പ്രതിനിധി സമ്മേളനം അവസാനിച്ചത്. സമ്മേളനത്തിൽ പുതിയ ഏരിയ സെക്രട്ടറിയായി എ.മോഹൻദാസിനെ തെരഞ്ഞെടുത്തു. നാദാപുരം സഹകരണ ബാങ്ക് ജീവനക്കാരനായിരുന്ന മോഹൻദാസ് ഡി.വൈ.എഫ്.ഐ രംഗത്തുകൂടിയാണ് പാർട്ടി നേതൃത്വത്തിലേക്ക് ഉയർന്നത്.

സിപിഐഎം ജില്ല സെക്രട്ടറി പി.മോഹനൻ സമ്മേളനം ഉദ്ഘാടനം ചെയ്തു. എ.മോഹൻദാസ്, പി.താജുദ്ദീൻ, എം.സുമതി, ഇ.വി.നാണു എന്നിവരടങ്ങിയ പ്രസീഡിയമാണ് സമ്മേളന നടപടികൾ നിയന്ത്രിച്ചത്. സംസ്ഥാന കമ്മിറ്റി അംഗം കെ.കെ.ലതിക, ജില്ല സെക്രട്ടറിയേറ്റ് അംഗങ്ങളായ കെ.കെ.ദിനേശൻ, സി.ഭാസ്കരൻ, ജില്ല കമ്മിറ്റി അംഗങ്ങളായ വി.പി.കുഞ്ഞികൃഷ്ണൻ, കെ.പി.കുഞ്ഞമ്മദ് കുട്ടി എംഎൽഎ, കെ.കെ.സുരേഷ്, കൂടത്താംകണ്ടി സുരേഷ്, എ.എം.ഷീദ് എന്നിവർ സമ്മേളനത്തിൽ പങ്കെടുത്തു.

Summary: New leadership for CPIM in Nadapuram; A. Mohandas Area Secretary