മുഴപ്പിലങ്ങാട്: ദേശീയപാതയിൽ മുഴപ്പിലങ്ങാട് കെ.എസ്.ആർ.ടി.സി ബസ് സ്കൂട്ടറിലിടിച്ച് യുവാവ് മരിച്ചു. തലശ്ശേരി ചേറ്റംകുന്നിലെ റോസ് മഹലിൽ സജ്മീറാണ് ദാരുണമായി മരിച്ചത്. ഇന്നലെ രാത്രി 10.30 ഓടെയാണ് അപകടം.

തലശ്ശേരിയിൽ നിന്ന് എടക്കാട് പോലീസ് സ്റ്റേഷനടുത്തുള്ള ഭാര്യവീട്ടിലേക്ക് സർവ്വീസ് റോഡിലൂടെ സ്കൂട്ടറിൽ യാത്ര ചെയ്യുന്നതിനിടെ പിറകിൽ നിന്നും വന്ന കെ.എസ്ആർടിസി ബസ്സ് ഇടിക്കുകയായിരുന്നു. കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

സിവിൽ എഞ്ചിനീയറാണ് മരിച്ച സജ്മീർ.
ശബാനയാണ് ഭാര്യ. രണ്ട് കുട്ടികളുണ്ട്.
ഖബറടക്കം ഇന്ന് ഉച്ചയ്ക്ക് രണ്ട് മണിക്ക് തലശ്ശേരി സ്റ്റേഡിയം പള്ളിയിൽ നടക്കും.