കോഴിക്കോട്: ഷി​രൂ​രി​ൽ ദേ​ശീ​യ​പാ​ത​യി​ലു​ണ്ടാ​യ മ​ണ്ണി​ടി​ച്ചി​ലി​ൽ കോഴിക്കോട് സ്വദേശിയും കുടുങ്ങിയിട്ടുണ്ടെന്ന് സൂചന. ഇവരെ കണ്ടെത്താനായി ര​ക്ഷാ​പ്ര​വ​ർ​ത്ത​നം വേ​ഗ​ത്തി​ലാ​ക്കാ​ൻ പൊ​ലീ​സി​നും അ​ഗ്നി​ശ​മ​ന സേ​ന​യ്ക്കും ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ ഓ​ഫീ​സ് നി​ർ​ദേ​ശം ന​ൽ​കി​.

കോ​ഴി​ക്കോ​ട് സ്വ​ദേ​ശി അ​ർ​ജു​നെ കണ്ടെത്തുന്നതിനായി മന്ത്രി ​ഗണേഷ് കുമാറും കെ.​സി.​വേ​ണു​ഗോ​പാ​ല്‍ എം പിയും സി​ദ്ധ​രാ​മ​യ്യ​യു​മാ​യി സം​സാ​രി​ച്ച​തി​ന് പി​ന്നാ​ലെ​യാ​ണ് ന​ട​പ​ടി. ക​ഴി​ഞ്ഞ ചൊ​വ്വാ​ഴ്ച​യാ​ണ് ഷി​രൂ​രി​ല്‍ വ​ന്‍ മ​ണ്ണി​ടി​ച്ചി​ലു​ണ്ടാ​യ​ത്. അ​പ​ക​ട​ത്തി​ല്‍​പ്പെ​ട്ട ലോ​റി​യും ഡ്രൈ​വ​റും മ​ണ്ണി​ന​ടി​യി​ലെ​ന്നാ​ണ് സം​ശ​യം. ജി​പി​എ​സ് സം​വി​ധാ​നം വ​ഴി പ​രി​ശോ​ധി​ക്കു​മ്പോ​ൾ മ​ണ്ണി​ന​ടി​യി​ലാ​ണ് ലോ​റി കി​ട​ക്കു​ന്ന​തെ​ന്നാ​ണ് വ്യ​ക്ത​മാ​ക്കു​ന്ന​ത്.

അ​ർ​ജു​ന്‍റെ വീ​ട്ടി​ൽ​നി​ന്ന് ആ​ദ്യം വി​ളി​ച്ച​പ്പോ​ൾ ഫോ​ൺ ബെ​ല്ല​ടി​ച്ചെ​ങ്കി​ലും പ്ര​തി​ക​ര​ണം ഉ​ണ്ടാ​യി​ട്ടി​ല്ല. പി​ന്നീ​ട് ന​മ്പ​ര്‍ സ്വി​ച്ച് ഓ​ഫാ​യെ​ന്നും ഭാ​ര്യ പ​റ​ഞ്ഞു.ര‌​ണ്ടു ഫോ​ണു​ക​ളാ​ണ് അ​ര്‍​ജു​നു​ള്ള​ത്. ഇ​തി​ല്‍ ആ​ദ്യ​ത്തെ ഫോ​ണ്‍ നേ​ര​ത്തെ ത​ന്നെ സ്വി​ച്ച് ഓ​ഫാ​യി​രു​ന്നു. വ്യാ​ഴാ​ഴ്ച ര​ണ്ടാ​മ​ത്തെ ഫോ​ണി​ലേ​ക്ക് വി​ളി​ച്ച​പ്പോ​ള്‍ സ്വി​ച്ച് ഓ​ഫാ​യി​രു​ന്നു. ഇ​തേ ഫോ​ണി​ല്‍ ഇ​ന്ന് രാ​വി​ലെ വീ​ണ്ടും വി​ളി​ച്ച​പ്പോ​ൾ ബെ​ല്ല​ടി​ച്ച​ത് കു​ടും​ബ​ത്തി​ന് പ്ര​തീ​ക്ഷ ന​ൽ​കു​ന്നു​ണ്ട്.