കുറ്റ്യാടി സ്വദേശിയായ തെങ്ങുകയറ്റത്തൊഴിലാളി തെങ്ങില്‍നിന്ന് വീണ് മരിച്ചു
കുറ്റ്യാടി: തെങ്ങുകയറ്റ തൊഴിലാളി തെങ്ങില്‍ നിന്ന് വീണ് മരിച്ചു. കുണ്ടുതോട് മാമ്പിലാടിലെ പി.പി.സി. നാണുവാണ് മരിച്ചത്. അന്‍പത്തൊന്‍പത് വയസ്സായിരുന്നു.
ഞായറാഴ്ച സ്വകാര്യവ്യക്തിയുടെ കൃഷിയിടത്തില്‍ തേങ്ങ ഇടുമ്പോഴാണ് അപകടം സംഭവിച്ചത്. സ്വകാര്യ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
സി.പി.എം. കുണ്ടുതോട് ലോക്കല്‍സെക്രട്ടറിയും മാമ്പിലാട് ബ്രാഞ്ച് സെക്രട്ടറിയുമായിരുന്നു. ഭാര്യ: സജിനി (സി.പി.എം. മാമ്പിലാട് ബ്രാഞ്ച് കമ്മിറ്റി അംഗം). മക്കള്‍: സനീഷ്, നിജിന്‍ (സി.പി.എം. മാമ്പിലാട് ബ്രാഞ്ച് അംഗം).
മരുമകള്‍: ലിബിഷ. സഹോദരങ്ങള്‍: മാതു, ലീല (തളീക്കര), നാരായണി, ചന്ദ്രി (സി.പി.എം. എസ്റ്റേറ്റ് ബ്രാഞ്ച് അംഗം), സൗമിനി, പരേതരായ ജാനു, ദേവി. സഞ്ചയനം വ്യാഴാഴ്ച.