കൊയിലാണ്ടി: കേരള പ്രൈവറ്റ് ഫാർമസിസ്റ്റ്‌സ് അസോസിയേഷൻ അംഗത്വ ദിനാചരണം നടത്തി. ജില്ലാതല ഉദ്ഘാടനം പേരാമ്പ്ര വെച്ച് സംസ്ഥാന ഫാർമസി കൗൺസിൽ അംഗവും കെ.പി.പി.എ സംസ്ഥാന സിക്രട്ടറിയേറ്റ് അംഗവുമായ ടി.സതീശൻ ഉദ്ഘാടനം ചെയ്തു. പ്രശസ്ത നാടക-ചലചിത്ര പ്രവർത്തകനുമായ ഫാർമസിസ്റ്റ് രാധാകൃഷ്ണൻ പേരാമ്പ്രക്ക് നൽകിയാണ് ഉദ്ഘാടനം നിർവ്വഹിച്ചത്.

പേരാമ്പ്ര ഏരിയാ സെക്രട്ടറി പി.കെ രാജീവൻ സ്വാഗതവും ജില്ലാ സെക്രട്ടറി എം. ജിജീഷ് അധ്യക്ഷതയും വഹിച്ചു. ജില്ലാകമ്മറ്റി അംഗങ്ങളായ അർജ്ജുൻ രവി, റനീഷ് എ.കെ. എന്നിവർ ആശംസകളർപ്പിച്ച് സംസാരിച്ചു. ഏരിയാ പ്രസിഡണ്ട് ഉഷ. സി.സി. നന്ദി പറഞ്ഞു.