നാദാപുരം: ഡി.വൈ.എഫ്.ഐ നാദാപുരം ബ്ലോക്ക് കമ്മിറ്റിയുടെ നേതൃത്വത്തിൽ കല്ലാച്ചിയിൽ കൂത്തുപറമ്പ് രക്തസാക്ഷിത്വ വാർഷിക ദിനം ആചരിച്ചു. അനുസ്മരണ സമ്മേളനം ഡി.വൈ.എഫ്.ഐ മുൻ ജില്ലാ സെക്രട്ടറി കെ.കെ ദിനേശൻ ഉദ്ഘാടനം ചെയ്തു. യൂണിറ്റുകളിൽ പ്രഭാതഭേരി, പതാക ഉയർത്തൽ, യൂത്ത് ബ്രിഗേഡ് മാർച്ച്, യുവജറാലി എന്നിവ സംഘടിപ്പിച്ചു.

ഇന്നലെ വൈകീട്ട് കല്ലാച്ചി മാരാം വീട്ടിൽ ഗ്രൗഡിന് സമീപത്ത് നിന്നും ബാന്റ്‌ വാദ്യങ്ങളുടെ അകമ്പടിയിൽ ആരംഭിച്ച യുവജന റാലിയിൽ നൂറുക്കണക്കിന് പേർ അണിനിരന്നു. എ.കെ ബിജിത്ത് അധ്യക്ഷത വഹിച്ചു.

സി.പി.ഐ.എം ജില്ലാ കമ്മിറ്റി അംഗം പി.പി ചാത്തു, സി.പി.ഐ.എം ഏരിയ സെക്രട്ടറി എ മോഹൻ ദാസ്, എസ്എഫ്ഐ ജില്ല പ്രസിഡൻ്റ് പി.താജുദ്ദീൻ, സി അഷിൽ, ടി ശ്രീമേഷ്, കെ.വി ലിജിന, എം ശരത്ത് എന്നിവർ സംസാരിച്ചു. ബ്ലോക്ക് സെക്രട്ടറി അഡ്വ:പി.രാഹുൽ രാജ് സ്വാഗതം പറഞ്ഞു.

Description: Kallachi in the burning memories of Koothuparamba martyrs