വടകര: വടകര പുത്തൂരിൽ മൂന്നംഗ സംഘം വീട്ടിൽ കയറി ഗൃഹനാഥനെ ആക്രമിച്ചു. ഗൃഹനാഥൻ്റെ കാൽ തല്ലി ഒടിച്ചു. പുത്തൂർ പാറേമ്മൽ രവീന്ദ്രനാണ് ആക്രമണത്തിൽ ഗുരുതരമായി പരിക്കേറ്റത്. അക്രമം തടയാനെത്തിയ മകനും പരിക്കേറ്റു.

ബൈക്കിൽ ഹെൽമറ്റ് ധരിച്ച് എത്തിയ മൂന്നംഗ സംഘമാണ് ആക്രമിച്ചതെന്നാണ് രവീന്ദ്രൻ പറയുന്നത്. പരിക്കേറ്റ രവീന്ദ്രനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പരിക്കേറ്റ മകൻ ആകാശിനെ വടകര ജില്ലാ ആശുപത്രിയിലും പ്രവേശിപ്പിച്ചു.

വടകര പോലീസ് വീട്ടിൽ എത്തിയാണ് ഇരുവരെയും ആശുപത്രിയിൽ പ്രവേശിപ്പിച്ചത്. തിങ്കളാഴ്ച‌ രാത്രി 10.30 ഓടെയാണ് സംഭവം നടന്നത്. വീടിനോട് ചേർന്ന കടമുറിയുമായി ബന്ധപ്പെട്ട പ്രശ്നങ്ങൾ നിലനിൽക്കുന്നുണ്ട്. ഇവർ കൊട്ടേഷൻ നൽകി ആക്രമണം നടത്തിയെന്നാണ് രവീന്ദ്രൻ പറയുന്നത്.

Summary: House entry attack in Vadakara Puthur; A group of three wearing helmets beat Guhanath’s face and his son was also injured