നാദാപുരം: ഞായറാഴ്ച വൈകീട്ട് പെയ്ത കനത്ത മഴയെ തുടർന്ന് ഉണ്ടായ ഇടിമിന്നലിൽ ചെക്യാട് വീടിന് നാശനഷ്ടം സംഭവിച്ചു. പാറക്കടവിൽ കൊയമ്പ്രം പാലത്തിനടുത്ത് കല്ലിൽ കുനിയിൽ ഇസ്മായിലിന്റെ വീടിനാണ് ഇടിമിന്നലേറ്റ് കേടുപാട് സംഭവിച്ചത്.

ശക്തമായ ഇടിമിന്നലിൽ ചുമർ വിണ്ടുകീറുകയും ചുവരിൻ്റെ പലഭാഗങ്ങളും അടർന്നു വീഴുകയും ചെയ്തു. മീറ്റർ, ഫാൻ തുടങ്ങിയ ഗൃഹോഹകരണങ്ങൾക്കും കേടുപാടുകൾ സംഭവിച്ചു. കുളിമുറിക്കും നഷ്ടമുണ്ട്. സംഭവത്തിൽ ആർക്കും പരിക്കില്ല. വീട്ടിലുണ്ടായിരുന്ന ഇസ്മായിലിൻ്റെ ഉമ്മ അത്ഭുതകരമായാണ് രക്ഷപെട്ടത്.

Summary: Heavy rain and thunder; The house was destroyed by lightning at Chekyat Parakadav