സി.പി.എം മുന്‍ ലോക്കല്‍ സെക്രട്ടറി വി.എം. കുഞ്ഞിരാമന്‍ ചരമദിനാചരണം; കൂരാച്ചുണ്ടില്‍ സൗജന്യ മെഗാമെഡിക്കല്‍ ക്യാമ്പ്
കൂരാച്ചുണ്ട്: സി.പി.എം മുന്‍ ലോക്കല്‍ സെക്രട്ടറി വി.എം. കുഞ്ഞിരാമന്‍ ചരമദിനാചരണത്തിന്റെ ഭാഗമായി സൗജന്യ മെഗാമെഡിക്കല്‍ ക്യാമ്പ് സംഘടിപ്പിച്ചു. സുരക്ഷ പെയിന്‍ ആന്‍ഡ് പാലിയേറ്റിവ് കൂരാച്ചുണ്ട് മേഖല കമ്മിറ്റി, സി.ആര്‍.സി കോഴിക്കോട്, പേരാമ്പ്ര ഇ.എം.എസ് സഹകരണ ആശുപത്രിയുടെ സഹകരണത്തോടെ കൂരാച്ചുണ്ട് പാരിഷ്ഹാളില്‍ വച്ചാണ് മെഡിക്കല്‍ ക്യാമ്പ് സംഘടിപ്പിച്ചത്.
മുന്‍ എംഎല്‍എ എ.കെ. പത്മനാഭന്‍ മാസ്റ്റര്‍ മെഡിക്കല്‍ ക്യാമ്പ് ഉദ്ഘാടനം ചെയ്തു. പ്രബീഷ് തളിയോത്ത് അധ്യക്ഷത വഹിച്ചു. ജനറല്‍ മെഡിസിന്‍, ഓര്‍ത്തോ, പീടിയാട്രിക്, കാഴ്ച പരിശോധന വിഭാഗങ്ങളിലായി ഡോ. ഖദീജ ഷെബിന്‍, ഡോ. ഹിജാസ് ഇസ്മയില്‍, ഡോ. അരുണ്‍, സാബിറ, സിആര്‍സി സ്‌പെഷല്‍ തെറാപ്പി വിഭാഗത്തിലെ ഗീതു, അഞ്ജു എന്നിവര്‍ പരിശോധന നടത്തി. 
ഇ.എം.എസ് സഹകരണ ആശുപത്രി സെക്രട്ടറി സി. റജി, വി.ജെ. സണ്ണി, കുഞ്ഞമ്മദ് കുരാച്ചുണ്ട്, അഡ്വ. വി.കെ. ഹസീന, ജലീല്‍ കുന്നുംപുറത്ത് എന്നിവര്‍ സംസാരിച്ചു. അരുണ്‍ കെ.ജി. സ്വാഗതവും പി.എം. തോമസ് നന്ദിയും പറഞ്ഞു. മാത്യു ആന്റോ, സലിം എ.കെ, ജിനി രാജന്‍, ബിനു കല്ലിപ്പൊയില്‍, നിത്യ സുരേഷ്, സിന്ധു മണി, പ്രതീഷ് കൊട്ടമ്പ്രഎന്നിവര്‍ നേതൃത്വം നല്‍കി.