പാനൂർ: പാനൂരിൽ ബ്രൗൺ ഷുഗറുമായി മധ്യവയസ്ക്കനെ എക്സൈസ് അറസ്റ്റ് ചെയ്തു. പാനൂരിലെ മീത്തലെ വീട്ടിൽ നജീബാണ് അറസ്റ്റിലായത്. കൂത്തുപറമ്പ് എക്‌സൈസ് റെയിഞ്ച് ഇൻസ്‌പെക്ടർ ജിജിൽ കുമാറിന്റെ നേതൃത്വത്തിൽ പാനൂർ ടൗണിനടുത്ത് നടത്തിയ പരിശോധനയിൽ ഇയാൾ പിടിയിലാകുന്നത്. വില്പനക്കായി കൊണ്ടുവന്ന 19.30ഗ്രാം ബ്രൗൺ ഷുഗർ എക്സൈസ് പിടിച്ചെടുത്തു.

അറസ്റ്റ് ചെയ്തത്. എക്‌സൈസ് കമ്മീഷണറുടെ ഉത്തരമേഖല സ്ക്വഡിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. ഇയാൾ നിരവധി മയക്കുമരുന്ന് കേസുകളിൽ പ്രതിയാണ്. കോഴിക്കോട്, മലപ്പുറം ജില്ലകളിലും കണ്ണൂർ ജില്ലയിലെ വിവിധ ഭാഗങ്ങളിലും വില്പനക്കയാണ് ഇയാൾ ബ്രൗൺ ഷുഗർ എത്തിച്ചത്.

മുംബൈയിൽ നിന്നാണ് ഇയാൾ ബ്രൗൺ ഷുഗർ എത്തിച്ചത്. മുംബൈയിൽ നിന്നെത്തിക്കുന്ന മയക്കുമരുന്ന് ചെറു പൊതികളിലാക്കി വില്പന നടത്തുന്നതാണ് ഇയാളുടെ രീതി പിടികൂടിയ മയക്കുമരുന്നിനു ഒരു ലക്ഷത്തിലധികം വില വരും.