‘സ്വര്‍ണ്ണക്കാലുള്ള കണ്ണട’യ്ക്ക് സ്വര്‍ണ്ണത്തിളക്കമുള്ള വിജയം; ഉപജില്ലാ കലോത്സവത്തില്‍ ഒന്നാം സ്ഥാനം നേടി പേരാമ്പ്ര ഹൈ സ്‌കൂളിന്റെ നാടകം
പേരാമ്പ്ര: ഉപജില്ലാ കലോത്സവത്തിലെ മലയാള നാടക മത്സരത്തില്‍ ഒന്നാം സമ്മാനം നേടി പേരാമ്പ്ര ഹൈ സ്‌കൂളിന്റെ നാടകം. ‘സ്വര്‍ണ്ണക്കാലുള്ള കണ്ണട’ എന്ന നാടകമാണ് ഒന്നാം സ്ഥാനം നേടി ജില്ലാതലത്തിലേക്ക് തെരഞ്ഞെടുക്കപ്പെട്ടത്.
ഒന്നാം സ്ഥാനത്തിന് പുറമെ മികച്ച നടന്‍, മികച്ച നടി എന്നീ നേട്ടങ്ങളും പേരാമ്പ്ര സ്‌കൂളിലെ കുട്ടികള്‍ സ്വന്തമാക്കി. മികച്ച നടനായി ദേവ്കൃഷ്ണയും മികച്ച നടിയായി പാര്‍വ്വണയുമാണ് തെരഞ്ഞെടുക്കപ്പെട്ടത്.
രമേശ് കാവില്‍ കഥയെഴുതിയ നാടകം സ്‌ക്രിപ്റ്റ് എഴുതി സംവിധാനം ചെയ്തത് ശ്രീജിത്ത് കാഞ്ഞിലശ്ശേരിയാണ്. ഹരിപ്രസാദ്.എസ്.ആര്‍ ആണ് സംഗീതം. സഹസംവിധാനം നിര്‍വ്വഹിച്ചിരിക്കുന്നത് പ്രത്യുഷ് ചന്ദ്രനാണ്.