നടുവണ്ണൂർ: കോൺ​ഗ്രസ് നേതാവായിരുന്ന പി എം ചാത്തുക്കുട്ടിയുടെ ചരമവാർഷിക ദിനാചരണം സംഘടിപ്പിച്ചു. ഡി.സി.സി പ്രസിഡന്റ് അഡ്വ. കെ.പ്രവീൺകുമാർ ദിനാചരണം ഉദ്ഘാടനം ചെയ്തു. ഇടതുഭരണത്തിനെതിരെ സംസ്ഥാനത്ത് ജനരോഷം അണപൊട്ടുകയാണെന്നും മട്ടന്നൂരിലെ ചെങ്കോട്ടകൾ തകർന്ന് വീണത് പിണറായി സർക്കാറിനുള്ള അപായ മണിയാണെന്നും അദ്ദേഹം ഉദ്ഘാടന പ്രസം​ഗത്തിൽ പറഞ്ഞു.

കേന്ദ്രസർക്കാറിന്റെ ജനവിരുദ്ധ നയങ്ങൾക്കെതിരെ കണ്ണടയ്ക്കുന്ന സി.പി.എം നേതൃത്വം കോൺ​ഗ്രസ് മുക്തഭാരതത്തിനായി സംഘപരിവാറുമായി കൈകോർത്തിരിക്കയാണ്. വംശഹത്യയുടെ ​ഗുജറാത്ത് മോഡൽ പരീക്ഷിച്ചവരുടെ വികസന പദ്ധതികൾ പഠിക്കാൻ ചീഫ് സെക്രട്ടറിയെയും സംഘത്തെയും അയച്ചവരുടെ മോദിഭക്തി ജനം തിരിച്ചറിഞ്ഞെന്നും പ്രവീൺകുമാർ പറഞ്ഞു.

പി.സുധാകരൻ നമ്പീശൻ അധ്യക്ഷത വഹിച്ചു. മുൻ ജില്ലാ പഞ്ചായത്ത് അം​ഗം കാവിൽ പി മാധവൻ മുഖ്യപ്രഭാഷണം നിർവ്വഹിച്ചു. കെ.കെ.മാധവൻ, എ.പി.ഷാജി, കെ.രാജീവൻ, പി.അയമു, കെ.സി.റഷീദ്, എം.സത്യനാഥൻ മാസ്റ്റർ, പി.എം.കുഞ്ഞിരാമൻ, എ.കെ.അഷറഫ് എന്നിവർ സംസാരിച്ചു.

ചിത്രം: കോൺ​ഗ്രസ് നേതാവായിരുന്ന കാവിൽ പി എം ചാത്തുകുട്ടിയുടെ ചരമ വാർഷിക ദിനാചരണം ഡി സി സി പ്രസിഡന്റ് അഡ്വ. കെ പ്രവീൺകുമാർ കാവിൽ വലിയപറമ്പിൽ ഉദ്​ഘാടനം ചെയ്യുന്നു.

Summary: DCC President K Praveen Kumar inagurated congress worker p m chathukutti death anniversary celebration