ചക്കിട്ടപാറ: കേന്ദ്ര സർക്കാർ കേരളത്തോട് കാണിക്കുന്ന അവ​ഗണനയ്ക്കെതിരെ പ്രതിഷേധ കൂട്ടായ്മ സംഘടിപ്പിച്ച് സിപിഎം. മുതുകാട് ലോക്കൽ കമ്മിറ്റിയുടെ നേതൃത്വത്തിൽ സംഘടിപ്പിച്ച പ്രതിഷേധ കൂട്ടായ്മ പാർട്ടി ജില്ലാ കമ്മറ്റി അംഗം റഷീദ് കുണ്ടുതോട് ഉദ്ഘാടനം ചെയ്തു.

കേന്ദ്ര സർക്കാരിന്റെ തുടർച്ചയായ അവഗണനയ്‌ക്കെതിരെയാണ് സിപിഎമ്മിന്റെ നേതൃത്വത്തിൽ ആദ്യഘട്ട പ്രക്ഷോഭ പരിപാടി സംഘടിപ്പിക്കുന്നത്. കേന്ദ്ര സർക്കാർ നിലപാടും സംസ്ഥാന സർക്കാരിന്റെ ജനകീയ പ്രവർത്തനങ്ങളും വിശദീകരിച്ചുള്ള വീടുകയറി പ്രചാരണം പൂർത്തിയാക്കിയാണ്‌ ലോക്കൽ കേന്ദ്രങ്ങളിൽ 31 വരെ പ്രതിഷേധം സംഘടിപ്പിക്കുന്നത്‌.

മുതുകാട് അങ്ങാടിയിൽ സംഘടിപ്പിച്ച പരിപാടിയിൽ ഇ എ ജയിംസ് അദ്ധ്യക്ഷത വഹിച്ചു. കെ സുനിൽ, എൻ പി ബാബു, പി സി സുരാജൻ എന്നിവർ സംസാരിച്ചു. ബിജു കുന്നങ്കണ്ടി സ്വാഗതം പറഞ്ഞു.

Summary: ‘Central Government ignores Kerala’; CPM’S prathishedha kootyama at Mutukad