കൊയിലാണ്ടി: മേപ്പയൂര്‍ കൂനം വെള്ളിക്കാവില്‍ മിനി ലോറി സ്‌കൂട്ടറുമായി കൂട്ടിയിടിചുണ്ടായ അപകടത്തില്‍ മരിച്ചത് കൊയിലാണ്ടി സ്വദേശി. കൊയിലാണ്ടി ബപ്പന്‍കാട് ഹിറാ ഹൗസില്‍ നൂറുല്‍ അമീന്‍ 49 ആണ് മരണപ്പെട്ടത്. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.

ഇന്നലെ വൈകീട്ട് 6.30 യോടെയാണ് സംഭവം. കാഞ്ഞിരമുക്ക് അമ്പലത്തിന് സമീപത്ത് വെച്ചാണ് അപകടം. മേപ്പയ്യൂര്‍ ഭാഗത്ത് നിന്നും വരികയായിരുന്ന മിനി ലോറിയും പേരാമ്പ്ര ഭാഗത്ത് നിന്നും വരുന്ന സ്‌കൂട്ടറുമാണ് അപകടത്തില്‍പ്പെട്ടത്. നൂറുല്‍ അമീന്റെ കൂടെ ഉണ്ടായിരുന്ന ഗുരുതരമായി പരിക്കേറ്റ എടക്കുളം സ്വദേശി സജീവനെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

പിതാവ്: പരേതനായ ഹംസ. മാതാവ്: സഫിയ. ഭാര്യ: സമീറ ചെങ്ങോട്ടുകാവ്.
മക്കള്‍: ഫാത്തിമഫിദ, രിഫാഈ, ദുല്‍ഖിഫിലി. സഹോദരങ്ങള്‍: ഹാരിസ്, ജെറീഷ്, ജാഫര്‍, നബീല്‍, ആദില്‍.

Summary: Car accident in Mepayyur; The deceased was a native of Koyilandi