കണ്ണൂര്‍: പിലാത്തറ ചെറുതാഴത്ത് ശബരിമല തീർത്ഥാടകർ സഞ്ചരിച്ച മിനി ബസ് നിയന്ത്രണം വിട്ട് മറിഞ്ഞ് അപകടം. ഇന്ന് പുലര്‍ച്ചെ ഏഴുമണിയോടെയാണ് സംഭവം. ശബരിമല ദര്‍ശനം കഴിഞ്ഞ് തിരിച്ചുപോകുകയായിരുന്ന കര്‍ണാടക സ്വദേശികളായ 23 പേരാണ് ബസിലുണ്ടായിരുന്നത്.

ഡ്രൈവര്‍ ഉറങ്ങിപ്പോയതോടെ ബസ്‌ നിയന്ത്രണം വിടുകയായിരുന്നുവെന്നാണ് വിവരം. റോഡിൽ നിന്ന് പുറത്തേക്ക് നീങ്ങിയ ബസ് സമീപത്തെ വീടിന്റെ മതിലിനിടിച്ച് മറിയുകയായിരുന്നു.

ബസിനുള്ളിലേക്ക് തെറിച്ചുവീണും ഇടിച്ചുമാണ് തീർത്ഥാടകർക്ക്‌ പരിക്കേറ്റത്. ആര്‍ക്കും സാരമായ പരിക്കില്ല. പരിക്കേറ്റവരെ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

Description: Bus carrying Sabarimala pilgrims overturned in Kannur