മാഹി: മാഹി ജെ.എന്‍.ജി.എച്ച്.എസ് സ്‌കൂളിന് സമീപം ലോറി മറിഞ്ഞു. ചൊവ്വാഴ്ച രാവിലെ ആറരയോടെയായിരുന്നു അപകടം. തമിഴ്നാട്ടിലെ പുകളൂരില്‍ നിന്ന് നിന്ന് കര്‍ണ്ണാടകയിലേക്ക് പേപ്പറുമായി പോകുകയായിരുന്ന KA-01-AD-8111 നമ്പറിലുള്ള ലോറിയാണ് മറിഞ്ഞത്.

അപകടത്തില്‍ ലോറിയുടെ ഡ്രൈവര്‍ക്ക് പരിക്കേറ്റു. തലയ്ക്കും കൈക്കും പരിക്കേറ്റ ലോറി ഡ്രൈവര്‍ തമിഴ്നാട് കുറയൂര്‍ സ്വദേശി ശേഖറിനെ (46) മാഹി ഗവ. ആശുപത്രിയില്‍ പ്രവേശിപ്പിച്ചു. സഹായിയായ നാമക്കല്‍ സ്വദേശി അരുണ്‍ നിസാര പരിക്കോടെ രക്ഷപ്പെട്ടു. ശേഖറിന്റെ പരിക്ക് ഗുരുതരമല്ല.

അപകടത്തില്‍ മാഹി ജെ.എന്‍.ജി.എച്ച്.എസ് സ്‌കൂളിന്റെ മതിലും റോഡരികിലുള്ള വൈദ്യുത പോസ്റ്റും തകര്‍ന്നു.