പേരാമ്പ്ര: വാല്യക്കോട് ഓട്ടോ റിക്ഷക്ക് തീപിടിച്ചു. ചൊവ്വാഴ്ച രാത്രി 11.10 ഓടെയാണ് സംഭവം. വാല്യക്കോട് റോഡ് ജങ്ഷനില്‍ ഓട്ടോയില്‍ എത്തിയ യുവാവ് പെട്രോളൊഴിച്ച് തീ കൊളുത്തുകയായിരുന്നെന്നാണ് ദൃക്‌സാക്ഷികള്‍ പറയുന്നത്. ആയഞ്ചേരി സ്വദേശി ചെറിയകണ്ടി ഷിജി (44)നാണ് പരിക്കേറ്റത്.

യുവാവിന്റെ ഇരുകൈകള്‍ക്കും പുറത്തും പൊള്ളലേറ്റിട്ടുണ്ട്. സാരമായി പരിക്കേറ്റ ഇയാളെ പേരാമ്പ്ര ഇ.എം.എസ് സഹകരണ ആശുപത്രിയില്‍ പ്രവേശിപ്പിച്ചു. കെ.എല്‍. 59 ഇ 1120 ഓട്ടോറിക്ഷയിലാണ് ഇയാള്‍ എത്തിയത്. ഓട്ടോറിക്ഷയുടെ മുന്നില്‍ കണ്ണൂര്‍ ടൗണ്‍ എന്നെഴുതിയിട്ടുണ്ട്. പേരാമ്പ്ര പൊലീസ് സ്ഥലത്തെത്തി അന്വേഷണം ആരംഭിച്ചു.

Description: Autorickshaw caught fire at Perampra Valyakode; Eyewitnesses said that the youth who reached the auto-rickshaw poured petrol and set it on fire, the native of Ayancheri was injured