വടകര: വടകര സിദ്ധാശ്രമത്തിൽ കാർത്തിക മഹോത്സവം ആഘോഷിച്ചു. സിദ്ധ സമാജ സ്ഥാപകൻ സ്വാമി ശിവാനന്ദ പരമഹംസരുടെ ജന്മദിനമാണ് സിദ്ധാശ്രമത്തിൽ കാർത്തിക മഹോത്സവമായി ആഘോഷിക്കുന്നത്. മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്തു.

വടകര സിദ്ധസമാജം സ്‌കൂള്‍ അദ്ധ്യാപിക വി.പി.ഈശ്വരി അദ്ധ്യക്ഷത വഹിച്ചു. വടകര നഗരസഭ ചെയർപേഴ്സണ്‍ കെ.പി.ബിന്ദു, അഡ്വ. ഇ.നാരായണൻ നായർ, ഡോ. കെ.എം.ജയശ്രീ, കെ.വിജയൻ, ബി.കെ.ആനന്ദ്, പ്രൊഫ. ഇ.ശശീന്ദ്രൻ, സി.മുർത്തി, പിണറായി ബാലകൃഷ്ണൻ, എന്നിവർ സംസാരിച്ചു.

ബി.എസ്. വിവേകാനന്ദൻ (സിദ്ധാശ്രമം, വടകര) സ്വാഗതവും ബ്രഹ്മശ്രീ. എസ്. കേശവദാസൻ നന്ദിയും പറഞ്ഞു. ആയിരങ്ങളാണ് രാവിലെ മുതല്‍ രാത്രി വൈകിയും ആശ്രമത്തിലെത്തിച്ചേർന്നത്. വിവിധ ശാഖാ ആശ്രമങ്ങളിലെ സിദ്ധ വിശ്വാസികള്‍ക്കൊപ്പം പൊതുജനങ്ങളും ആഘോഷത്തില്‍ പങ്കാളികളായി. വിപുലമായ അന്നദാനവുമുണ്ടായിരുന്നു.

Summary: Along with the Siddha believers, the public also participated; Karthika Mahotsava was celebrated at Vadakara Siddhasram