നാദാപുരം: നാദാപുരം പഞ്ചായത്ത് വൈസ് പ്രസിഡണ്ടായി അഖില മാര്യാട്ട് വീണ്ടും ചുമതലയേറ്റു. നീതിക്ക് വേണ്ടിയുള്ള പോരാട്ടത്തിൽ ഒപ്പം നിന്ന പാർട്ടിക്കും വ്യക്തികൾക്കും അഖില നന്ദി പറഞ്ഞു. പോരാട്ടം അവസാനിക്കുന്നില്ലെന്നും സമൂഹത്തിൽ സ്ത്രീകൾക്ക് നേരെ നടക്കുന്ന അക്രമങ്ങൾക്ക്െതിരെ പോരാടുമെന്നും ചുമതലയേറ്റ ശേഷം അഖില മാധ്യമങ്ങളോട് പറഞ്ഞു.

തനിക്കെതിരെ നടന്ന ആരോപണത്തിന് പിന്നിൽ പ്രവർത്തിച്ചപരെ കുറിച്ചും തനിക്കൊപ്പം നിന്നവരെ കുറിച്ചും നന്നായി പഠിച്ച ശേഷമാണ് വീണ്ടും മത്സരിക്കാനുള്ള തീരുമാനമെടുത്തതെന്നും അഖില വ്യക്തമാക്കി. ഈ വിഷയത്തിൽ സത്യം പുറത്ത് വരും . ഹൈക്കോടതി ഉത്തരവ് വരട്ടെയെന്നും അവർ കൂട്ടിച്ചേർത്തു.