‍ പയ്യോളി: പയ്യോളിയില്‍ ആളില്ലാത്ത വീട്ടില്‍ അതിക്രമിച്ച് കയറി പെൺകുട്ടിയെ പീഡിപ്പിച്ചെന്ന പരാതിയിൽ യുവാവിനെ പോക്‌സോ കേസിൽ അറസ്റ്റ് ചെയ്തു. കീഴൂര്‍ സ്വദേശി ഷഹീറാണ് അറസ്റ്റിലായത്.

ജൂലായ് ഏഴാം തീയതിയാണ് കേസിന് ആസ്പദമായ സംഭവം. വീട്ടില്‍ ആളില്ലാതിരുന്ന സമയത്ത് പ്രതി അതിക്രമിച്ച് കയറുകയും പെണ്‍കുട്ടിയോട് ലൈംഗികാതിക്രമം നടത്തുകയുമായിരുന്നെന്നുമാണ് പരാതി. സംഭവം രക്ഷിതാക്കളെ കുട്ടി അറിയിച്ചതിനെ തുടര്‍ന്ന് പയ്യോളി പൊലീസില്‍ പരാതി നൽകുകയായിരുന്നു. രക്ഷിതാക്കളുടെ പരാതിയിലാണ് കേസെടുത്തതെന്ന് ഇന്‍സ്പെക്ടര്‍ കെ.സി സുഭാഷ് ബാബു പറഞ്ഞു.

എസ്‌ഐ എസ്.എസ് ശ്രീജേഷിന്റെ നേതൃത്വത്തിലാണ് ഷഹീറിനെ അറസ്റ്റു ചെയ്തത്. ഇയാളെ ഇന്ന് കോടതിയില്‍ ഹാജരാക്കും.

Summary: A young man from Keezhur was arrested in a pocso case at Payyoli