---

മേപ്പയൂര്‍: മേപ്പയ്യൂര്‍ ചാവട്ടത്ത് ഇന്നലെ കാറും (തവേര) ബൈക്കും കൂട്ടിയിടിച്ച് അപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു. ചാവട്ട് ചെറിയ ചവറങ്ങാട്ട് സുരയുടെ മകന്‍ അമല്‍ കൃഷ്ണയാണ് മരിച്ചത്. ഇരുപത്തൊന്ന് വയസ്സായിരുന്നു.

മലബാര്‍ ഗോള്‍ഡിലെ (കണ്ണൂര്‍) ജീവനക്കാരനാണ്. പരിക്കേറ്റ അമല്‍ കൃഷ്ണയെ ഉടന്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

പോസ്റ്റ്‌മോര്‍ട്ടത്തിനു ശേഷം ഇന്നു വൈകീട്ട് വീട്ടുവളപ്പില്‍ സംസ്‌കാരം നടത്തും.
ഓണാവധിക്ക് നാട്ടില്‍ വന്നതായിരുന്നു. അപ്പോഴായിരുന്നു അപകടം നടന്നത്.

അമ്മ: സീമ, ഒരു സഹോദരനാണുള്ളത്.

summary: a young man died after being injured in a collision between a car and a bike at meppayyur chawat