കോഴിക്കോട്: പരീക്ഷയ്ക്ക് പോകുന്നതിനിടെ ഫറോക്കില്‍ സ്‌കൂള്‍ വിദ്യാര്‍ഥി ട്രെയിന്‍ തട്ടിമരിച്ചു. പുറ്റെക്കാട് പാണ്ടിപ്പാടം പള്ളിത്തറ താഴെ പെരുന്തൊടി ശശികുമാറിന്റെ മകന്‍ അക്ഷയ് കുമാര്‍ (15) ആണ് മരിച്ചത്.

ഫറോക്ക് ഗവണ്‍മെന്റ് ഗണപത് ഹയര്‍ സെക്കന്ററി സ്‌കൂളിലെ ഒമ്പതാം ക്ലാസ് വിദ്യാര്‍ഥിയാണ്. ഫറോക്ക് ഐ.ഒ.സിയ്ക്ക് സമീപം റെയില്‍പാളം മുറിച്ച് കടക്കുന്നതിനിടെ രാവിലെ 9.30 ഓടെയായിരുന്നു അപകടം.

കോയമ്പത്തൂര്‍ മംഗളുരു ഇന്റര്‍സിറ്റി എക്സ്പ്രസ് ഇടിച്ചായിരുന്നു അപകടം. അമ്മ: ഷൈമ.