പേരാമ്പ്ര: ഗുജറാത്തിൽ ടയർ പണിക്കിടെ കാറ്റ് നിറക്കുമ്പോൾ ടയർ പൊട്ടിത്തെറിച്ച് അപകടത്തിൽ കടിയങ്ങാട് മഹിമ സ്വദേശി മരിച്ചു. കോവുമ്മൽ സുരേഷ് (50 ) ആണ് മരിച്ചത്. ഗുജറാത്തിലെ രാജ്ഘട്ട് മുന്ന എന്ന സ്ഥലത്ത് ടയർ കമ്പനി നടത്തി വരികയായിരുന്നു.

ശനിയാഴ്ച രാത്രിയിലാണ് അപകടം ഉണ്ടായത്. തിങ്കളാഴ്ച ഉച്ചയോടെ മൃതദ്ദേഹം നാട്ടിലെത്തും തുടർന്ന് വീട്ടു വളപ്പിൽ സംസ്ക്കാര ചടങ്ങുകൾ നടക്കും.

അച്ഛൻ കുഞ്ഞിക്കുട്ടി നായർ. അമ്മ പരേതയായ നാരായണി അമ്മ. ഭാര്യ ഷീബ (പന്തിരിക്കര). മക്കൾ ആകാശ് (ബി.ടെക് വിദ്യാർത്ഥി), അശ്വിൻ (എസ്.എസ്.എൽ.സി വിദ്യാർത്ഥി). സഹോദരങ്ങൾ: ഗീതാ അച്യുതൻ നായർ (ചെരണ്ടത്തൂർ), പത്മിനി രാമകൃഷ്ണൻ (പന്തിരിക്കര), പരേതയായ ഷിജി അനീഷ് (ഉള്ള്യേരി).

Summary: A Perambra native died after a tire burst while repairing a tire in Gujarat.