---

കണ്ണൂർ: വളപട്ടണത്തെ അരി വ്യാപാരിയുടെ വീട്ടിൽ നിന്ന് ഒരു കോടി രൂപയും 300 പവനും മോഷ്ടിച്ച കേസിലെ പ്രതി ലിജീഷിന്റെ വീട്ടിൽ നിന്ന് കണ്ടെത്തിയത് ഒന്നേകാൽ കോടിയോളം രൂപയും 267 പവൻ സ്വർണവും. ഇന്നലെ രാത്രിയോടെയാണ് ലിജീഷിനെ പൊലീസ് അറസ്റ്റ് ചെയ്തത്. മോഷണം നടന്ന സാഹചര്യവും രീതിയും പരിശോധിച്ചപ്പോൾ വീടിനെപ്പറ്റി നേരത്തെ കൃത്യമായി ധാരണയുള്ള ആളാണെന്ന് പൊലീസ് തുടക്കം മുതൽ സംശയം പറഞ്ഞിരുന്നു. സിസിടിവിയിൽ മുഖം പതിയാതിരിക്കാൻ അതിവിദഗ്ധമായിട്ടായിരുന്നു മോഷണം. എവിടെയെല്ലാം ക്യാമറകൾ ഉണ്ട് എന്ന് കൃത്യമായി അറിഞ്ഞത് പോലെയായിരുന്നു മോഷണരീതി.

പ്രതി മോഷണം നടത്തുന്ന സിസിടിവി ദൃശ്യങ്ങളും പുറത്തുവന്നിട്ടുണ്ട്. അവ്യക്തമായ ദൃശ്യങ്ങളിൽ റൂമിൽ കയറിയ ശേഷം കർട്ടൻ വലിച്ചുനീക്കുന്ന പ്രതിയുടെ ദൃശ്യമാണ് ഉള്ളത്. മോഷണം നടന്നയിടത്തുനിന്ന് ലഭിച്ച ഒരു ചുറ്റികയും കൂടിയാണ് പൊലീസിന് ഒരു നിർണായക തുമ്പായി മാറിയത്. പരിശോധനയ്ക്കിടെ പൊലീസ് നായ മണം പിടിച്ചു പോയത് പ്രതിയുടെ വീടിൻറെ മുന്നിലൂടെയായിരുന്നു. കഴിഞ്ഞ കുറച്ചു ദിവസമായി അഷ്റഫിൻറെ അയൽവാസിയായ ഇയാളെ പൊലീസ് നിരീക്ഷിച്ചുവരുകയായിരുന്നു. ഇയാളിൽ നിന്ന് മോഷണം പോയ സ്വർണവും പണവും കണ്ടെടുത്തു.സ്വന്തം വീട്ടിൽ കട്ടിലിനടിയിൽ പ്രത്യേക അറയുണ്ടാക്കിയാണ് പണവും സ്വർണവും സൂക്ഷിച്ചത്.

ആദ്യത്തെ ദിവസത്തെ മോഷണം കഴിഞ്ഞ് രണ്ടാംദിവസവും പ്രതി വീട്ടിനുള്ളിൽ കടന്നതായി ദൃശ്യങ്ങളിൽ കണ്ടെത്തിയിരുന്നു. അഷ്റഫ് മടങ്ങിവന്നിട്ടില്ലെന്ന് കൃത്യമായി അറിയുന്നയാളാണ് പ്രതിയെന്ന് ഇതിൽ നിന്നും പൊലീസ് മനസ്സിലാക്കി. രണ്ട് താക്കോലിട്ട് പ്രത്യേക രീതിയിൽ തുറക്കുന്ന ലോക്കറിനെ കുറിച്ച് അറിവില്ലാത്തയാൾക്ക് അത് തുറക്കാനാവില്ലെന്നും പൊലീസ് വിലയിരുത്തി. വെൽഡിങ് തൊഴിലാളിയായ ലിജീഷ് തൊഴിൽ വൈദഗ്ധ്യം പ്രയോജനപ്പെടുത്തിയാണ് ലോക്കർ തകർത്തത്.

വീ​ട് അ​ട​ച്ച് പു​റ​ത്ത് പോ​കു​ന്ന ശീ​ലം അ​ഷ്റ​ഫിന് പ​തി​വാ​യി​രു​ന്നു. വീ​ട്ടി​ന​ക​ത്ത് ഭേ​ദ​പ്പെ​ട്ട ലോ​ക്ക​ർ സം​വി​ധാ​ന​വും അ​ട​ച്ചു​റ​പ്പു​ള്ള വാ​തി​ലു​ക​ളു​മു​ണ്ടെന്നതായിരുന്നു ആത്മവിശ്വാസം. ഈ ​സാ​ഹ​ച​ര്യ​ത്തി​ൽ ക​ള​വു ന​ട​ക്കു​മെ​ന്ന ഭ​യ​മു​ണ്ടാ​യി​ല്ല. അ​തു​കാ​ര​ണ​മാ​ണ് വീ​ട് അ​ട​ച്ച് പോ​കു​മ്പോ​ൾ സു​ര​ക്ഷാ ജീ​വ​ന​ക്കാ​രെ നി​യ​മി​ക്കുകയോ പൊ​ലീ​സി​ൽ അ​റി​യി​ക്കു​ക​യോ ചെ​യ്യാ​തി​രു​ന്ന​ത്. വീട്ടിലെ ലോക്കറിന് മുകളിൽ മരത്തിന്റെ മറ്റൊരു അറ നിർമിച്ചാണ് സ്വർണവും പണവും സൂക്ഷിച്ചത്. താക്കോൽ മറ്റൊരു അലമാരയിലും അതിന്റെ താക്കോൽ വേറൊരു മുറിയിലെ അലമാരയിലുമാണ് സൂക്ഷിച്ചിരുന്നത്. ഈ രണ്ട് അലമാരകളും തുറന്നാണ് ലോക്കറിന്റെ താക്കോൽ എടുത്തിരിക്കുന്നത്.

അ​ഷ്റ​ഫി​ൻറെ അ​രി മൊ​ത്ത​ക്ക​ച്ച​വ​ട സ്ഥാ​പ​ന​മാ​യ അ​ഷ്റ​ഫ് ട്രേ​ഡേ​ഴ്‌​സ് വീ​ടി​നോ​ട് ചേ​ർ​ന്ന കെ​ട്ടി​ട​ത്തി​ലാ​ണ് പ്ര​വ​ർ​ത്തി​ക്കു​ന്ന​ത്. അ​ഞ്ചോ​ളം വ​രു​ന്ന അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ​ക്ക് താ​മ​സി​ക്കാ​ൻ സ്ഥാ​പ​ന​ത്തി​ൽ സൗ​ക​ര്യ​മൊ​രു​ക്കി​യ​തി​നാ​ൽ എ​ന്തെ​ങ്കി​ലും ശ​ബ്ദം കേ​ട്ടാ​ൽ തൊ​ഴി​ലാ​ളി​ക​ൾ അ​റി​യു​മെ​ന്ന വി​ശ്വാ​സവുമുണ്ടാമാ​യി​രു​ന്നു. എ​ന്നാ​ൽ, എ​ല്ലാ​വ​രു​ടെ​യും വി​ശ്വാ​സ​വും ധാ​ര​ണ​യും തെ​റ്റി​ച്ചാ​ണ് സംസ്ഥാനത്ത് ത​ന്നെ ഏ​റ്റ​വും വ​ലി​യ ക​വ​ർ​ച്ച ന​ട​ന്ന​ത്.